Monday, July 23, 2012

RCSS/SSA နှင့် အစိုးရတပ် ယနေ့ တိုက်ပွဲ အပြင်းအထန်ဖြစ်

alt
သျှမ်းပြည်တပ်မတော် RCSS/SSA တပ်သားများ( Sai Pawn Li facebook)
22 July 2012

သျှမ်းအရှေ့ပိုင်း မိုင်းပြင်းမြို့နယ် မိုင်ပူဒအွန်ကျေးရွာ အုပ်စု၌ သျှမ်းတပ်မတော် တောင်ပိုင်းတပ်ဖွဲ့နှင့် အစိုးရတပ်တို့အကြား တိုက်ပွဲ အပြင်းအထန် ဖြစ်ပွါးနေသည်ဟု ဒေသခံ သတင်းရပ်ကွက်က ဆိုသည်။
" အစိုးရတပ်က ကျနော်တို့ စခန်းကို ဒီမနက် ၁၀ နာရီကစပြီး တက်တိုက်တယ်၊ ညနေ ၄း၃၀ နာရီအထိ တိုက်ပွဲက မပြီးသေးဘူး၊ ဘာညာ မပြောဘဲနဲ့ ဒီအတိုင်း တက်ပြီး လာတိုက်တာ" ဟု အမည်မဖေါ်လိုသည့် RCSS အရာရှိ တဦးက ပြောပါသည်။

ဂျူလိုင်လ ၂၂ ရက် နံနက် ၁၀ နာရီက သံလွင် အရှေ့ခြမ်း မိုင်းပြင်း အခြေစိုက် ခမရ ၃၆၀ က မိုင်းပူးအွန် ကျေးရွာအုပ်စု ဘက်အခြေချ လှုပ်ရှားနေသည့် သျှမ်းပြည် ပြန်လည်ထူထောင်ရေး ကောင်စီ သျှမ်းပြည် တပ်မတော် RCSS/SSA အား တက်တိုက် ခဲ့ကြောင်း  ၊ မွန်းလွဲပိုင်း၌ RCSS/SSA ဘက် စစ်ကူပို့ကာ အပြင်စည်းဝိုင်းမှ ၀ိုင်းပိတ် တိုက်ခိုက်သောကြောင့် တိုက်ပွဲ အရှိန် ပိုမြင့်လာကာ ညနေပိုင်းအထိ ညနေပိုင်းအထိ တိုက်ပွဲ ဖြစ်ပွားနေကြောင်း အမည်မဖေါ်လိုသည့် ရုံးထိုင် ကိုယ်စားလှယ် တဦးကလည်း ပြောပါသည်။

" အသေအကျ စာရင်းမသိဘူး။ ဒီတိုက်ပွဲကြောင့် လူထုက ပိုပြီး ဇဝေဇ၀ါဖြစ်မှာပေါ့။ အကြောင်းမကြားဘဲ နယ်ကျွံ ၀င်လာရင်တော့ ကိုယ့်ကိုယ်ကို ကာကွယ်တဲ့အနေနဲ့ ပြန်တိုက်ရမှာဘဲ။ အစိုးရ တပ်ဘက်က ရန်ရှာ တိုက်ခိုက်တာကိုး" ဟု အဆိုပါ အရာရှိက ဆက်ပြောပါသည်။

သျှမ်းပြည်တပ်မတော် RCSS/SSA နှင့် အစိုးရတပ်တို့ ထာဝရ ငြိမ်းချမ်းရေး တည်ဆောက်ရန် နှစ်ဦးနှစ်ဘက် သဘောတူပြီးနောက် ယခုတကြိမ် ထပ်မှန်ဖြစ်ပွါးသော တိုက်ပွဲသည် ၂၅ ကြိမ်မြောက် ဖြစ်သည်။

သတင်းရင်းမြစ် - သျှမ်းသံတော်ဆင့်

1 comment:

  1.ွှအဲဒီလိုသတင်းတွေကိုတင်ထားပေးတာအရမ်းကောင်းပါတယ်။ ဆက်မတိုက်ကြတော့ရင်ကောင်းမယ်ဗျာ။

    ReplyDelete

လွတ်လပ်စွာ ဝေဖန်ရေးသားခွင့်ရှိပါသည်။ အများသူငါဖတ်ရန်မသင့်သော ရိုင်းပြသောစကားလုံးများ သုံးစွဲပါက ဖျက်ခြင်းခံရပါမည်။
ဝေဖန်ရေးနှင့် အကြံပေးခြင်းများကို လှိုက်လှဲစွာကြိုဆိုရလျက်။
လေးစားစွာဖြင့်
အေးနန္ဒာအောင်

ကမ္ဘာအနှံ့ကသတင်းတွေ....