သမ္မတ ဦးသိန်းစိန်အား ဂျပန်ရောက်အင်အားစုများမှ တိုက်တွန်းတောင်းဆိုသည့် အိတ်ဖွင့်ပေးစာ သွားရောက်ပေးပို့ ။

April 23, 2012
သမတ ဦးသိန်းစိန် ဂျပန်နိုင်ငံသို့ ရောက်ရှိနေစဉ်အတွင်း ဂျပန်နိုင်ငံတွင် မြန်မာ့အရေး လှုပ်ရှား ဆောင်ရွက်နေသော မြန်မာနိုင်ငံ ဒီမိုကရေစီကွန်ယက် Network for Democracy in Burma (NDB) မှ ယနေ့ဧပြီလ ၂၃ ရက် နေ့လယ် ၃း၀၀ နာရီမှ ၄း၀၀ နာရီအထိ တိုကျိုရှိ မြန်မာသံရုံးရှေ့၌ သမတ ဦးသိန်းစိန်အား မေတ္တာရပ်ခံ တိုက်တွန်း တောင်းဆိုသည့် အိတ်ဖွင့်ပေးစာတစောင် သွားရောက် ပေးပို့ခဲ့ကြပါသည်။


မြန်မာနိုင်ငံ၏ လက်ရှိနှင့် အနာဂတ်အရေးအတွက် သမတ ဦးသိန်းစိန် သို့မဟုတ် သမတ၏ ကိုယ်စားလှယ်နှင့် အမြင်ချင်းဖလှယ် ဆွေးနွေးလိုကြောင်း မြန်မာနိုင်ငံ ဒီမိုကရေစီကွန်ယက် မှ ဂျပန်နိုင်ငံ ဆိုင်ရာ မြန်မာသံရုံးမှ တဆင့် သမတ ဦးသိန်းစိန် ထံလိပ်မူပြီး စာရေးသား ပေးပို့ခဲ့ ပေမဲ့လည်း အကြောင်း ပြန်ကြားတာကို လက်ခံ မရရှိသည့်အတွက်  မြန်မာနိုင်ငံ ဒီမိုကရေစီ ပြုပြင်ပြောင်းလဲရာ၌ ဆောင်ရွက်ရန် ကျန်ရှိနေသေးသော လုပ်းငန်းစဉ်များကို ဆောင်ရွက်ပေးရန် တိုက်တွန်း တောင်းဆိုသည့် အိတ်ဖွင့်ပေးစာကို သံရုံးသို့ သွားရောက်ပေးပို့ခဲ့ကြကြောင်း သိရှိရပါသည်။

သတင်း....Ko Mai Kyaw Oo.
ဓါတ်ပုံ.....Ko Htoo(Japan)