၈၈မျိုးဆက်အမျိုးသားခေါင်းများ ဦးစီးသောရွေးကောက်ပွဲစောင့်ကြည့်လေ့လာသူများကွန်ရက်၏ လှုပ်ရှားမှုများ

by Ye Min Tun on Saturday, March 31, 2012 at 5:57pm ·

ပုသိမ် ရွေးကောက်ပွဲဆိုင်ရာသတင်းများ
နေ့လည် - ၂း၀၀
            သမ၀ါယမ၀န်ကြီးဌာန ပြည်ထောင်စုဝန်ကြီးဦးသန်းထွန်းသည် ငွေဆောင်မြို့နယ်သို့ သွားရောက်၍ မြို့နယ်တွင်ရှိသူများအား ငွေသုံးသောင်းစီပေးကာ ပြည်ခိုင်ဖြိုးပါတီအမတ်လောင်းဦးအောင်တင်မြင့်အတွက် မဲဆွယ်စည်းရုံးပေးခဲ့သည်။
            ဧရာဝတီတိုင်းဝန်ကြီးချုပ်ဦးသိန်းအောင်သည် ရှောပျာကျေးရွာတွင် လုပ်ငန်းရှင်များအား ခေါ်ယူတွေ့ဆုံပြီး ပြည်ခိုင်ဖြိုးပါတီကို မဲပေးရင် လုပ်ငန်းတွေ အဆင်ပြေအောင်လုပ်ပေးမည်။ “အုပ်ချုပ်ခံလူတန်းစားဆိုတာ အုပ်ချုပ်သူတွေနဲ့လည်း အဆင်ပြေအောင် နေတတ်ရတယ်” လို့ ပြောဆိုသွားခဲ့ကြောင်း သတင်းပေးပို့လာပါသည်။
အစိုးရ၀န်ထမ်းများ မဲဆွယ်စည်းရုံးခွင့်မရှိဆိုသည်ကို ချိုးဖောက်ခဲ့သည့်သဖြင့် ပြိုင်ဘက်ကိုယ်စားလှယ်လောင်းများမှ မကျေမနပ်ဖြစ်နေကြသည်ဟု သိရှိရသည်။

နေပြည်တော် ၊ ဒက္ခိဏသီရိမြို့နယ် မှကြိုတင်မဲအခြေအနေ..........
ဒက္ခိဏသီရိမြို့နယ်၊ ရပ်ကွက်တစ်ခုတွင် မဲပေးနိုင်သူဦးရေ ကိုးရာကျော်ရှိသည့်အနက် လက်ရှိမဲစာရင်းပါဝင်သူ ၅၀ ကျော်သာရှိပြီး ကျန်လူဦးရေ ၈၀၀ကျော် ပျောက်ဆုံးနေသည့်အချက်နှင့် ကြိုတင်မဲဆက်စပ်နေနိုင်သည်ဟု သံသယရှိကြောင်း အမျိုးသားဒီမိုကရေစီအောင်နိုင်ရေး အဖွဲ့ဝင် ဦးညွန့်ဝေကပြောသည်။ ယင်းသို့ စာရင်းပျောက်နေသောရွာသားများ၏ မဲစာရင်းများကို ကြိုတင်မဲအနေဖြင့် ကောက်ခံသွားမည်အရေးကို ဦးနိုင်ငံလင်းက စိုးရိမ်လျှက်ရှိသည်ဟု ပြောသည်။ ထိုသို့လူစာရင်းများ ပျောက်ဆုံးနေသည့်ကိစ္စနှင့် ပတ်သက်ပြီး ဒက္ခိဏသီရိမြို့နယ် ရွေးကောက်ပွဲ ကော်မရှင်သို့ဆက်သွယ်မေးမြန်းသော်လည်း ဖြေဆိုခြင်းမရှိပေ။ အမျိုးသားဒီမိုကရေစီ အဖွဲ့ချုပ်ဝင်များက ရွေးကောက်ပွဲကော်မရှင်အား ပျောက်ဆုံးနေသည့် မဲဆန္ဒရှင်များကိစ္စ မေးမြန်းသောအခါ ၂၀၁၀ ရွေးကောက်ပွဲစာရင်းအရ ပြုလုပ်ထားခြင်း သာဖြစ်သည်ဟု ဖြေကြားကြောင်း အမျိုးသား ဒီမိုကရေစီ အောင်နိုင်ရေး အဖွဲ့ဝင် ဦးညွန်ဝေ က ပြန်ပြောပြသည်။

၈၈မျိုးဆက်ကျောင်းသားများရုံးချုပ်၊ သင်္ကန်းကျွန်းမြို့နယ်

(၃၀.၃.၂၀၁၂)ရက်နေ့၊ မနက်ပိုင်းတွင် Election Monitoring Network မှ ၈၈မျိုးဆက်ကျောင်းသားခေါင်းဆောင် ကိုကိုကြီးအား ဂျပန်သတင်းစာ ယူမီယူရီရှင်ဘွန်းမှ
လာရောက်တွေ့ဆုံမေးမြန်းခဲ့သည်။ (၃၀.၃.၂၀၁၂)ရက်နေ့၊ မနက်ပိုင်းတွင် Election Monitoring Network မှ ၈၈မျိုးဆက်ကျောင်းသားခေါင်းဆောင် ကိုကိုကြီးအား ITV NEWS ASIA BUREAU မှ Asia Producer Lu Bo မှ လာရောက်တွေ့ဆုံမေးမြန်းခဲ့သည်။ (၃၀.၃.၂၀၁၂)ရက်နေ့၊ နေ့လည်(၁)နာရီတွင် Election Monitoring Network အဖွဲ့အား Asean Secretariat Observer Team မှ ပုဂ္ဂိုလ်များမှ လာရောက်တွေ့ဆုံဆွေးနွေးခဲ့သည်။

မန္တလေးတိုင်း ကြိုတင်မဲသတင်း(၁)
(၃၀.၃.၂၀၁၂)ရက်နေ့၊ နေ့လည် ၂း၄၁
မန္တလေးတိုင်း၊ သမန်းကုန်းကျေးရွာတွင် ကြိုတင်မဲလာပေးသူများမှ NLD ပါတီအား မဲပေးခဲ့ရာ ရွေးကောက်ပွဲကော်မရှင်မှ မဲစာရွက်များအား ဖွင့်ကြည့်ပြီး NLDအတွက်မဲပေးထားသော မဲစာရွက်များကို လွှတ်ပစ်ခဲ့ကြောင်း သတင်းပေးပို့လာပါသည်။

နောက်ဆက်တွဲ မန္တလေးတိုင်း ကြိုတင်မဲသတင်း(၂)
(၃၀.၃.၂၀၁၂)ရက်နေ့၊ နေ့လည် ၃း၃၆
မန္တလေးတိုင်း၊ သမန်းကုန်းကျေးရွာတွင် ကြိုတင်မဲလာပေးသူများထဲမှ မျက်စိမမြင်သူအဘိုးအိုတစ်ဦး၏ မဲဆန္ဒစာရွက်အား ရွေးကောက်ပွဲကော်မရှင်စာရေးဖြစ်သူ(မြို့နယ်အုပ်ချုပ်ရေးမှူးရုံးစားရေးလည်းဖြစ်သူ)ကိုအောင်ဘိုမှ ကိုယ်စားခြစ်ပေးခဲ့ရပါသည်။ အဘိုးအိုမှ NLD ပါတီအား ပေးကြောင်းပြောဆို၍ NLDပါတီအကွက်ဘေးတွင်ခြစ်ရသော အမှန်ခြစ်ကို ပယ်မဲဖြစ်အောင် (အတွန့်အတွန့်ရှုပ်ရှက်ခက်ပါနေအောင်) ခြစ်ပေးခဲ့ပါသည်။ ၎င်းမဲဆန္ဒစာရွက်အားလည်း ရွေးကောက်ပွဲကော်မရှင်အဖွဲ့ဝင်(၃)ဦးကိုလည်း လိုက်လံပြသခဲ့ပါသည်။ NLD စောင့်ကြည့်ရေးကိုယ်စားလှယ်မှ ကြည့်ခွင့်တောင်းရာ ပြသခဲ့ခြင်းမရှိကြောင်း၊ ထိုကိစ္စနှင့်ပါတ်သက်၍ နယ်ခံများနှင့် NLD ပါတီဝင်များက မကျေမနပ်ဖြစ်နေကြကြောင်း သတင်းပေးပို့လာပါသည်။

၈၈ မျိုးဆက်ရဲဘော်များ
စစ်ကိုင်းတိုင်းယင်းမာပင်မြိုနယ်ကျပ်အုပ်စုဝင်းကုန်းရွာ
29.3.2012
ညနေပိုင်းတွင်မီးလောင်မူဖြစ်ပွားတယ်စုစုပေါင်းရွာမှာအိမ်ခြေ၃၀၀ကျော်လူဦးရေ၁၀၀၀ကျော်ရှိပြီးတရွာလုံးနီးပါမီးလောင်ခံရယ်လို့ သတင်းရတယ်။ အဲဒီရွာသည် အလောင်းတော်ကသဖတောင်ခြေမှာရှိပြီးတော့လမ်းပန်းဆက်သွယ်ရေးခက်ခဲပါတယ်။ ပုလဲမြို့က မီးသတ်ကားတွေသွားရောက်ကူညီပါတယ်မီးလောင်ကြွမ်းတဲချိန်မှာNLDကမဲဆွဲစည်းရုံးရေးဖျော်ဖြေးရေးဖွဲတွေဖျော်ဖြေနေတဲချိန်ဖြစ်ပါတယ် တရွာလုံးသွားရောက်အားပေးနေတဲချိန်လည်းဖြစ်တယ် အဲဒီရွာဟာသောက်ဖို့ရေတောင်အလွန်ရှားပါခက်ခဲတဲ့နေရာဖြစ်တယ်။




သတ်မှတ်ရက်မဟုတ်ပဲ ကြိုတင်မဲပေးခြင်း
စစ်ကိုင်းတိုင်း၊ရွှေဘိုခရိုင်၊ကျွန်းလှမြို.နယ်၊ရေယိမ်းအုပ်စု ရဘင်းကျေးရွာမှ ကြိုတင်မဲကို (29.3.2012)နေ.တွင် ဦးဝင်းအောင်(မဲရုံမှူး)၊ဦးညွန်.မောင်(တာဝန်ခံ)တို.ကနံနက်10း00)နာရီလောက်တွင် ကောက်ယူသွားကြောင်း သတင်းရရှိပါသည်။ကြိုတင်မဲပေးလိုက်ရသူများမှာ ဒေါ်ခင်ကြည်(၅/ကလန(နိုင်)၁၁၆၁၅)ဖြစ်ပြီး၊ဒေါ်မြတ်မော်၊ဒေါ်လှပြား၊
ဒေါ်ဆင်ယုံ
တို.လည်း အလားတူကြိုတင်မဲ ပေးလိုက်ရကြောင်း ဒေါ်ခင်ကြည်၏သားဖြစ်သူ ဦးဌေးမောင်(ရဘင်းရွာ) ကိုယ်တိုင် သတင်းပေးပို.ထားပါတယ်။

ကျောက်ပန်းတောင်းမြို့သတင်း
ကျောက်ပန်းတောင်းမြို့မှ ပါတီဝင်တဦးယခုပင် ဖုန်းဖြင့် ဆက်သွယ်ပြောဆိုလာပါသည်။ ဖြစ်စဉ်မှာ ကျောက်ပန်းတောင်းမြို့မှ ၃၃မိုင်အကွာရှိ ကြပ်ပြစ်ကျေးရွာတွင်းတွင် NLD ပါတီဝင်များက ထော်လာဂျီကားတစီး၊ ဆိုင်ကယ် ၈စီးခန့်ဖြင့် ဆောင်းဘောက်စ်အသံချဲ့စက်ငယ်များ
ဖွင့်ကာ ဒေါ်အောင်ဆန်းစုကြည်ပုံ ဗီနိုင်းများ ချိတ်ဆွဲလျက် ရွေးကောက်ပွဲစည်းရုံး
လှုံ...့ဆော်ရေး လှည့်ခဲ့ကြသည် ဆိုသည်။ ယနေ့ မတ်လ ၂၉ ရက် ညနေ ၅နာရီ ၄၅ မိနစ်တွင် ထိုကြပ်ပြစ်ကျေးရွာရှိ
ပြည်ခိုင်ဖြိုးစည်းရုံးရေးမှူး ကိုကျော်ဝင်း ဆိုသူက ၄င်းဧ။် အိမ်အနားသို့ ရောက်ရှိလာသော ထော်လာဂျီ စည်းရုံးရေး ကားအား အုတ်ခဲဖြင့် ထုခြင်း ဒေါ်အောင်ဆန်းစုကြည် ပုံအား ဆွဲဆောင့်ကာ ရိုင်းစိုင်းစွာပြောဆိုခြင်းများ ပြုလုပ်ခဲ့ကြောင်း၊ ထို ကိုကျော်ဝင်း ဆိုသူ ကြံ့ဖွံ့ စည်းရုံးရေးမှူးသည် မူးယစ်နေပြီး သူ့သားသမီးများ ၀င်ဆွဲသည်ကိုပင် တွန်းလွှတ်ကာNLD ပါတီဧ။် စည်းရုံးရေး လုပ်ငန်းများအား ကိုယ်ထိလက်ရောက် နှောက်ယှက်ဟန့်တား ဖျက်ဆီးခြင်းများ ပြုလုပ်ခဲ့ကြောင်း။
ပါတီဝင်များမှ သက်သေဖြစ်သော အထုခံရသည့် အုတ်ခဲအားလည်း အများအသိသက်သေဖြင့် သိမ်းဆည်းထားကြောင်း၊ ထိုရွာရှိ ပြည်ခိုင်ဖြိုး အခြားပါတီဝင်များမှဝင်ရောက် ထိန်းသိမ်း တားမြစ်ပေးခြင်း မရှိကြောင်း ယခုပင် ကျောက်ပန်းတောင်းမြို့မှ ခွပ်ဒေါင်း ပါတီဝင် ကိုဇော်နိုင်က ဆက်သွယ်သတင်းပေးပို့လာပါသည်။ အသေးစိတ် သိ၇ှိလိုပါက ကိုဇော်နိုင်၊ ဖုန်းအမှတ်0947112814 သို့ ဆက်သွယ် မေးမြန်းနိုင်ပါကြောင်း ။။။။


မြောင်းမြသတင်း
မြောင်းမြ မြို့ ကြံ့ခိုင်ရေး ကိုယ်စားလှယ်လောင်း ဖြိုးကိုကိုတင့်ဆန်းဟာ မြောင်းမြမြို့ တောင်ဘက် ရှိ စက်ကုန်း၊ ရေငန်း ၊ တောင်ပူစာ စသည့်ကျေးရွာများထဲမှာ တောင်ပူစာကျေးရွာရှိ မဲရုံ အမှတ် ၄ ရှေ့  အ၀င်အ၀မှာ ဖြိုးကိုကိုတင့်ဆန်း ၏ မဲဆွယ်ပိုစတာကို ချိတ်ဆွဲထားပါတယ်။

ကြိုတင်မဲမသမာမှု ထပ်မဖြစ်စေဖို့ ကော်မရှင် ကတိပေး.......
ဧပြီလ ၁ ရက်နေ့ကျင်းပမယ့် ကြားဖြတ်ရွေးကောက်ပွဲတွေမှာ ၂၀၁၀ ပြည့်နှစ် ရွေးကောက်ပွဲတုန်းကလို ကြိုတင်မဲတွေနဲ့ အနိုင်ရသွားတာမျိုး မဖြစ်စေရဘူးလို့ ပြည်ထောင်စုရွေးကောက်ပွဲကော်မရှင်ဥက္ကဋ္ဌက အာမခံ ပြောကြားလိုက်ပါတယ်။ မတ်လ ၂၈ ရက်၊ ဗုဒ္ဓဟူးနေ့ မနက်ပိုင်းက နေပြည်တော်မှာကျင်းပတဲ့ သတင်းစာရှင်းလင်းပွဲမှာ ကော်မရှင်ဥက္ကဋ္ဌက အဲဒီလို ပြောလိုက် တာပါ။ သတင်းမီဒီယာသမားတွေ ရွေးကောက်ပွဲနေ့ သတင်းယူတဲ့နေရာမှာ လိုက်နာရမှာတွေကိုလည်း ထည့်သွင်း ရှင်းလင်းခဲ့ပါတယ်။ အပြည့်အစုံကို ဘန်ကောက်ကနေ ဆက်သွယ်မေးမြန်းထားတဲ့ ကိုကျော်ကျော်သိန်းက တင်ပြထားပါတယ်။ ကြားဖြတ်ရွေးကောက်ပွဲ တွေကျင်းပဖို့ လေးရက်အလိုမှာ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးက သတင်းစာရှင်းလင်းပွဲ လုပ်ခဲ့တာပါ။ အဲဒီမှာ အများစု စိတ်ဝင်တစား ရှိခဲ့တဲ့ကိစ္စတခုကတော့ ကြိုတင်မဲကိစ္စပဲဖြစ်ပါတယ်။ ၂၀၁၀ ပြည့်နှစ် ရွေးကောက်ပွဲတွေတုန်းက ကြိုတင်မဲတွေကို မမှန်မကန်လုပ်ပြီး အနိုင်ယူတာတွေ ရှိခဲ့တယ်ဆိုတဲ့ စွပ်စွဲပြောဆိုချက်တွေ ကျယ်ကျယ်ပြန့်ပြန့် ထွက်ပေါ်ခဲ့တာကြောင့်လည်း အခုတကြိမ် ကြားဖြတ်ရွေးကောက်ပွဲမှာ ဒီကိစ္စကို ကော်မရှင်က ဘယ်လိုကိုင်တွယ် ဆောင်ရွက်မယ်ဆိုတာ အများကစိတ်ဝင်တစား စောင့်ကြည့်နေတာပါ။

ကော်မရှင်ဥက္ကဋ္ဌ ဦးတင်အေးကတော့ သူ့လက်ထက်မှာ အရင်တကြိမ်ကလို မဖြစ်စေရပါဘူးဆိုတာ အတိအလင်းအာမခံ ပြောဆိုခဲ့တယ်လို့ သတင်းစာရှင်းလင်းပွဲကို ကိုယ်တိုင်တက်ရောက်ခဲ့တဲ့ ပြည်တွင်း သတင်းထောက်တဦးကို ပြန်ပြောပြပါတယ်။
“သူပြောသွားတာကတော့ - ၂၀၁၀ ကဲ့သို့ ကြိုတင်ဆန္ဒမဲများဖြင့် အနိုင်ရရှိသွားခြင်းကို မိမိလက်ထက်မှာ လုံးဝမဖြစ်စေရဘူး”-တဲ့။ ဦးတင်အေးက ပြောသွားတယ်ခင်ဗျ။ သူပြောတဲ့ဟာကတော့ - “ကျနော့်လက်ထက်မှာ ကြိုတင်ဆန္ဒမဲတွေရပြီး အနိုင်ရသွားတာမျိုးကို လုံးဝမဖြစ်စေရပါဘူးပေါ့နော်။ အတိတ်က အဖြစ်တွေကိုလည်း မေ့ထားလိုက်ပါပေါ့နော်။ အဲလိုမျိုးတော့ သူပြောသွားတယ် ခင်ဗျ။ ကြိုတင်မဲနဲ့ပတ်သက်ပြီး မေးတာက ရန်ကုန်တိုင်း၊ ဒေသကြီးလွှတ်တော်အမတ်တချို့၊ အမျိုးသားဒီမိုကရေစီပါတီဘက်က ဖြေတာကို ပြန်ဖြေကြားသွားတယ် ခင်ဗျ။”
ညနေ ၄ နာရီနောက်ပိုင်းမှ ရောက်လာတဲ့ ကြိုတင်မဲတွေကို လုံးဝ ထည့်သွင်းရေတွက်မှာ မဟုတ်ဘူးလို့လည်း ကော်မရှင်ဥက္ကဋ္ဌ က ပြောခဲ့ပါတယ်။ ကြားဖြတ်ရွေးကောက်ပွဲကို လေ့လာဖို့ နိုင်ငံတကာကလေ့လာသူ ၁၅၉ ဦး ခွင့်ပြုလိုက်တယ်လို့ ဦးတင်အေးက ပြောပါတယ်။ အဲဒီအရေအတွက်ထဲမှာ ပြည်ပအခြေစိုက် သတင်းမီဒီယာသမားတွေပါပါသလားဆိုတာကတော့ ရှင်းရှင်းလင်းလင်း မရှိပါဘူး။ ဒါပေမဲ့လည်း လေ့လာသူတွေ၊ သတင်းမီဒီယာသမားတွေဟာ မဲရုံထဲ ဝင်ခွင့်ရမှာမဟုတ်ဘဲ ဓာတ်ပုံရိုက်ယူတာ၊ မေးမြန်းတာတွေကို မဲရုံနဲ့ကိုက်၅၀၀ အကွာကနေပဲ လုပ်ခွင့်ရမှာဖြစ်ပါတယ်။မဲရုံတွေထဲ ဝင်ခွင့်ရသူတွေကတော့ လွှတ်တော် ကိုယ်စားလှယ်တွေ၊ မဲရုံကိုယ်စားလှယ်တွေ၊ နိုင်ငံရေးပါတီတွေက ကိုယ်စားလှယ် တွေဖြစ်ကြပြီး မဲရေတွက်တဲ့အချိန်မှာ သက်သေ ၁၀ ယောက် ရှိမှာဖြစ်တယ်လို့လည်း ကော်မရှင်ဥက္ကဋ္ဌက ပြောခဲ့ပါတယ်။
ကြားဖြတ်ရွေးကောက်ပွဲနဲ့ပတ်သက်ပြီး သတင်းယူ သတင်းပို့ကြမယ့် ပြည်တွင်းပြည်ပ သတင်းမီဒီယာသမားတွေ လိုက်နာရမယ့် စည်းမျဉ်းစည်းကမ်းတွေ၊ ဆောင်ရန် ရှောင်ရန်တွေကို အင်္ဂါနေ့ကပဲ ပြန်ကြားရေးဝန်ကြီးဌာနက ထုတ်ပြန်ထားတာပါ။ ဒီအချက် တွေအပြင် အခုလိုမျိုး မဲရုံထဲဝင်ပြီး ဓာတ်ပုံရိုက်ခွင့်မရ၊ သတင်းယူခွင့်မရတာကြောင့်လည်း လုပ်ကိုင်ရတဲ့နေရာမှာ အဟန့်အတား ဖြစ်သွားတယ်လို့ ပြည်တွင်းသတင်းထောက်က ပြောပါတယ်။

“အဟန့်အတားကတော့ ရှိတယ်ခင်ဗျ။ ရှိတယ်ဆိုတာက ကျနော်တို့တွေ - ရွေးကောက်ပွဲသတင်း ယူမယ့်သူတွေကို Local ထဲက လူတွေဆိုရင် ဓာတ်ပုံ သုံးပုံ ပေးရတယ်။ စိစစ်ရေးက ကောက်သွားတယ်။ ၂၀၁၀ တုန်းကလိုမျိုး မဲရုံထဲမှာ လွတ်လွတ်လပ်လပ် သတင်းယူလို့ ရမယ်ဆိုပြီးတော့ တွက်ထားကြတာပေါ့။ အခုကျတော့ ရွေးကောက်ပွဲကော်မရှင်က ဒီနေ့မှ ဘယ်သူမှ ဝင်ပြီးတော့ ဓာတ်ပုံပေးမရိုက်ဘူး ဆိုတာကျတော့လေ- သတင်းထောက်တွေအနေနဲ့တော့ အဟန့်အတား ဖြစ်သွားတယ်လို့တော့ ခံစားမိပါတယ်။”
ပြည်ထောင်စုရွေးကောက်ပွဲကော်မရှ
င်ဥက္ကဋ္ဌရဲ့ သတင်းစာရှင်းလင်းပွဲကို တက်ရောက်ခဲ့တဲ့ ပြည်တွင်းသတင်းထောက်တဦးပါ။
မဲစာရင်းရလဒ်တွေကို ရေတွက်ပြီးပြီးချင်းမှာ ကြေညာပေးမှာဖြစ်ပြီး သတင်းသမားတွေအနေနဲ့ ကော်မရှင်ရုံးအဆင့်ဆင့်ကို ဆက်သွယ်မေးမြန်းနိုင်ဖို့ လုပ်ဆောင်ပေးမယ်လို့လည်း ကော်မရှင်ဥက္ကဋ္ဌက ပြောခဲ့ပါတယ်။ ကချင်ပြည်နယ်က မဲဆန္ဒနယ်သုံးခုဆီ သူသွားရောက်ကြည့်ရှုတာမှာ လုံခြုံရေးအခြေအနေ မကောင်းသေးဘူးဆိုတာ တွေ့ခဲ့ရတဲ့ အတွက် အဲဒီနေရာတွေမှာ ကြားဖြတ်ရွေးကောက်ပွဲကျင်းပဖို့ ရွှေ့ဆိုင်းရတာဖြစ်တဲ့အကြောင်းကိုလည်း သတင်းစာရှင်းလင်းပွဲ အတွင်း ကော်မရှင်ဥက္ကဋ္ဌ ဦးတင်အေးက ထည့်သွင်း ပြောဆိုသွားခဲ့ပါတယ်ခင်ဗျား။

ဖွံ့ဖြိုးရေးပါတီ(ကြံ့ခိုင်ရေးပါတီ)ဝင်သုံးဦးမှ ကျေးရွာရွေးကောက်ပွဲကော်မရှင်များကို ၀င်ရောက်ထိုးနှက်
မကွေးတိုင်း၊ ပခုက္ကူမြို့နယ် မြင်းဝင်းကျေးရွာတွင် ကြားဖြတ်ရွေးကောက်ပွဲ မဲပေးပုံမှန်ကန်စေရန် ရည်ရွယ်၍ မဲပေးနည်းသရုပ်ပြ သင်တန်းပို့ချနေသည့် ကျေးရွာကော်မရှင်ဥက္ကဋ္ဌ ဦးမြင့်အောင်ကို ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ခိုင်ရေးပါတီ)ဝင်သုံးဦး၏ ရိုက်နှက်ထိုးကြိတ်မှု ယမန်နေ့က ဖြစ်ပွားခဲ့ကြောင်း သတင်းရရှိသည်။ ရန်ကုန်မြို့တွင် မတ်လ ၇ ရက်နေ့က မဲဆွယ်စည်းရုံးရေး လုပ်နေသော ကြံ့ခိုင်ရေးပါတီဝင်များ မြို့နယ်ကော်မရှင်၏ ညွှန်ကြားချက်ဖြင့် မြင်းဝင်းကျေးရွာရှိ အခြေခံပညာမူလတန်းကျောင်းတွင် သရုပ်ပြသင်တန်းပို့ချနေခြင်းကို အမျိုးသားဒီမိုကရေစီအဖွဲ့ချုပ်(NLD)ပါတီဝင်များ မဲဆွယ်နေသည်ဟုထင်မှတ်ကာ ကြံ့ခိုင်ရေးပါတီအဖွဲ့ဝင် သုံးဦးက လာရောက်ဆဲဆိုကြိမ်းမောင်းခြင်းကိုတားမြစ်ရာမှ ယင်းသို့ဖြစ်ပွားခဲ့ကြောင်း မြို့နယ်NLDကိုယ်စားလှယ်လောင်း ဦးပိုက်ကိုက ပြောသည်။
“ဒီပွဲလုပ်နေတာကို NLD ကလုပ်နေတယ်အထင်နဲ့ ရွာသားတွေကို မင်းတို့ခွပ်ဒေါင်းထဲ မဲထည့်ရင် ထည့်တဲ့သူကို ဒူးတွေ၊ ခြေ ထောက်တွေ ချိုးပစ်မယ်ဆိုပြီး သူတို့က ခြိမ်းခြောက်တယ်။ ဒီကျောင်းကို ဘယ်သူ့ခွင့်ပြုချက်နဲ့ သုံးတာလဲ၊ ဘာလဲဆိုပြီး အမျိုးမျိုးဆဲဆိုတာကို ဦးမြင့်အောင်က သွားတားမြစ်တော့ လည်ပင်းနဲ့ဗိုက်ကို ရိုက်နှက်ထိုးကြိတ်တာတွေ လုပ်သွားတာပေါ့ဗျာ”ဟု ဦးပိုက်ကိုက ဧရာဝတီသို့ ပြောသည်။
ကော်မရှင်ဥက္ကဋ္ဌကို ကိုယ်ထိလက်ရောက်ကျူးလွန်ခဲ့သူ ဦးဟန်သိန်းမြင့်၊ ဦးမောင်လွင်နှင့် ကိုဦးတို့အား ရိုက်နှက်မှုနှင့် ပတ်သက် ၍ မြစ်ခြေရဲစခန်းကို တိုင်ကြားခဲ့သော်လည်း အရေးယူခြင်းမရှိသေးကြောင်း ဒေသခံများက ပြောသည်။ မဲပေးရန် သရုပ်ပြသင်တန်းကို ရွေးကောက်ပွဲကော်မရှင်အထက်အဆင့်ဆင့်မှ ညွှန်ကြားထားချက်ဖြစ်ပြီး မြင်းဝင်းရွာအဖြစ်အပျက်ကို ကြားသိထားကြောင်း၊ ကျေးရွာကော်မရှင်ကိုလည်း ဖြစ်ရပ်အပြည့်အစုံအား မြို့နယ်ကော်မရှင်သို့ တင်ပို့ခိုင်းထားကြောင်းနှင့် ရိုက်နှက်မှုမှန်ကန်ပါက သက်ဆိုင်ရာသို့ တင်ပြအရေးယူသွားမည်ဖြစ်ကြောင်း ပခုက္ကူမြို့နယ် ကော်မရှင်ဥက္ကဋ္ဌဦးပုတုကပြောပြ သည်။ “ကျနော်တို့ကတော့ အဲဒီနေ့ကသွားတဲ့ သက်ဆိုင်ရာမြို့နယ်ကော်မရှင်အဖွ
ဲ့တွေကို ဒီကိစ္စနဲ့ပတ်သက်ပြီး တင်ပြဖို့ညွှန်ကြားထားတယ်။ အဖြစ်မှန်သိတာနဲ့ ခရိုင်ကိုတင်ပြပြီးတော့ အရေးယူဆောင်ရွက်သွားဖို့ စီစဉ်မှာပါ”ဟု ဦးပုတု က ဧရာဝတီသို့ ပြောသည်။ ပခုက္ကူမြို့နယ်တွင် NLD မှ ဦးပိုက်ကိုနှင့် ကြံ့ခိုင်ရေးပါတီမှ ဦးကျော်တင့်တို့ နှစ်ဦး အမတ်လောင်းအဖြစ် ယှဉ်ပြိုင် အရွေးခံကြမည် ဖြစ် သည်။
ကြံ့ခိုင်ရေးပါတီက ငွေနှင့်ပစ္စည်းများပေးကာ မဲဆွယ်နေခြင်း၊ အစိုးရ၀န်ထမ်းများ ကြံ့ခိုင်ရေးပါတီကို မဲပေးရန် အာဏာဖြင့် ခြိမ်းခြောက်နေခြင်းစသည့် ရွေးကောက်ပွဲမသမာမှုများ ဖြစ်ပွားနေသည်ဟု ဆိုကာ NLD က မကွေးတိုင်းရွေးကောက်ပွဲကော်မရှင်ထံ တိုင်ကြား ထားကြောင်း သိရသည်။
တိုင်ကြားချက်၌ ကြံ့ခိုင်ရေးပါတီအမတ်လောင်းဦးကျော်တင့်က ယခုလ၂၂ရက်နေ့တွင် ပခုက္ကူမြို့၊ အမှတ်(၈)ရပ်ကွက်ရှိ ဒေသ ခံများအား တအိမ်လျှင် ကုလားပဲဆံ၂ဘူး၊ အိုင်အိုဒင်းဆား၁ထုပ်နှင့် ကျပ်၂၀၀၀ စီပေးကာ မဲပေးကြရန်ပြောဆိုစည်းရုံးကြောင်းနှင့် ပခုက္ကူ တက္ကသိုလ်၊ ပညာရေးကောလိပ်နှင့် ရဲဌာနမှ ၀န်ထမ်းများအားလုံး ကြံ့ခိုင်ရေးပါတီကိုသာ မဲပေးရမည်ဟု ဖိအားပေးမှုများ ရှိနေသည်ဟုလည်း ပါဝင်သည်။
ထို့အတူ နိုင်ငံတ၀န်း၌ ကြိုတင်မဲများကို မတ်လ၃၀နှင့်၃၁ရက်နေ့တွင် ကောက်ခံရန် ပြည်ထောင်စုရွေးကောက်ပွဲကော်မရှင်က ညွှန်ကြားထားသော်လည်း ပခုက္ကူရှိ သူနာပြုသင်တန်းကျောင်းနှင့် ပညာရေးကောလိပ်ရှိ သင်တန်းသားများကို ယခုလ တတိယ ပတ် အတွင်းက ကြိုတင်မဲများ ကောက်ခံခဲ့ကြောင်း သိရသည်။ ပခုက္ကူတွင် မဲပေးနိုင်သူပေါင်း ၁ သိန်း ၉ သောင်း ၉ ထောင်ကျော်ရှိပြီး မဲရုံပေါင်း ၃၂၄ ရုံ ထားရှိသွားမည်ဟု မြို့နယ် ရွေးကောက်ပွဲကော်မရှင်က ထုတ်ပြန်ထားသည်။ ၂၀၁၀ ရွေးကောက်ပွဲတွင် မဲရုံ ၃၂၂ ရုံ ရှိခဲ့သော်လည်း လာမည့် ကြားဖြတ်ရွေးကောက်ပွဲ အတွက် အထည်ချုပ်စက်ရုံ ၂ ရုံ ၌ မဲရုံ ၂ ရုံ ထပ်တိုးလာခဲ့သည်။

“လက်သီး”က အချိုဆုံး၊ “လက်ဝါး”က အမာဆုံးဟု ပြောဆိုခြိမ်းခြောက်၍ သမ၀ါယမ၀န်ကြီးဦးအုန်းမြင့်မှ ကြံ့ခိုင်ဖွံ့ဖြိုးရေးပါတီအတွက် မဲဆွယ်စည်းရုံးပေးခြင်း
            (၂၃.၃.၂၀၁၂)နေ့၊ နံနက်(၉)နာရီအချိန်တွင် ကော့မှူးမြို့နယ်အပိုင် ကျုံလတ္တာကျေးရွာရှိ အမကကျောင်းသို့ သမ၀ါယမ၀န်ကြီးဦးအုန်းမြင့်မှ တစ်အိမ်ထောင်တစ်ယောက် တက်ရမည်၊ ငွေချေးမည်ဟုခေါ်ပြီး ပြောကြားတွေ့ဆုံခဲ့ပါသည်။
            ထိုသို့တွေ့ဆုံစဉ် ၀န်ကြီးဦးအုန်းမြင့်မှ လာမည့်ကြားဖြတ်ရွေးကောက်ပွဲတွင် ပြည်ခိုင်ဖြိုးပါတီကို မဲပေးဖို့ရန် သင်္ကေတနိမိတ်များပြ၍ မဲဆွယ်ခဲ့ပါသည်။ ထိုသင်္ကေတမှာ ကျပ်(၁၀၀)တန်အကြွေစေ့ခြင်္သေ့ပုံပါကို ပေးပြီး စည်းရုံးခဲ့ပါသည်။
            ၎င်းဝန်ကြီးက “အသီးထဲမှ ဘာအသီးက အချိုဆုံးလဲ” ဟုမေးသည့်အခါတွင် တက်ရောက်လာသူပြည်သူများမှ “သရက်သီးက အချိုဆုံး”ဟုဖြေခဲ့ရာတွင် ၎င်းဝန်ကြီးက “လက်သီး”ဟု ပြောဆိုခြိမ်းခြောက်ခဲ့ပါသည်။
            ဒါ့အပြင် ၎င်းဝန်ကြီးက “၀ါးထဲမှာ ဘာဝါးက အမာဆုံးလဲ”ဟု တက်ရောက်လာသူပြည်သူများကို မေးမြန်းပြန်ရာ လူထုက “၀ါးကျစ်ဝါး၊ ကြခတ်ဝါး”ဟု ပြန်လည်ဖြေဆိုသောအခါ ၎င်းဝန်ကြီးက “လက်ဝါး”က အမာဆုံးဟု ခြိမ်းခြောက်ခဲ့ပါသေးသည်။ “ဘယ်အရာမှ အလကားမရဘူး”ဟုလည်း ပြောဆိုကြိမ်းမောင်းသွားခဲ့သည်ဟု ကျေးရွာသူ(အမည်မဖော်လိုသူ)တစ်ဦးမှ သတင်းပေးပို့လာပါသည်။

ဖျာပုံမြို့နယ်သတင်းများ
“မဲမထည့်ရင် မင်းတို့ကို သတ်ပစ်မယ်”ဆိုသော ဗိုလ်ချုပ်ဟောင်းဦးစိုးနိုင်
            (၂၄.၃.၂၀၁၂)ရက်နေ့တွင် ဖျာပုံမြို့နယ်၊ ဒေါ်ငြိမ်းကျေးရွာရှိ နှစ်ကျိပ်ရှစ်ဆူအလှူခံမဏ္ဍပ်သို့ ကားတစ်စီးထိုးဆိုက်လာပြီး ကားအတွင်းတွင် ဒေါ်ငြိမ်းကျေးရွာမှ လုပ်ငန်းရှင်ဖြစ်သူဦးသံချောင်းနှင့် ဖျာပုံပြည်ခိုင်ဖြိုးပြည်သူ့လွှတ်တော်ကိုယ်စားလှယ် ဗိုလ်ချုပ်ဟောင်းဦးစိုးနိုင်တို့ နှစ်ဦးပါလာပြီး အလှူငွေတစ်သောင်းကျပ်ကို လှူဒါန်းသွားခဲ့ပါသည်။ ထို့နောက် ဦးသံချောင်းမှ “ငါနဲ့ အဘနဲ့ အလောင်းအစားလုပ်ထားတယ်” ထိုအခါ ဒေါ်ငြိမ်းမှလည်း “ငါတို့နိုင်ရမယ်၊ နိုင်အောင်လုပ်ရမယ်” လို့ပြန်လည်ပြောဆိုခဲ့ပါသည်။ ထိုအခါ ဗိုလ်ချုပ်ဟောင်းဦးစိုးနိုင်က “လောင်းလောင်းမလောင်းလောင်း၊ နိုင်အောင်လုပ်ရမယ်၊ မင်းတို့ရွာအတွက် ငါအများကြီးကောင်းအောင် လုပ်ပေးခဲ့တယ်၊ မင်းတို့ ငါတို့အဖွဲ့ကို မဲထည့်ရမယ်။ မထည့်ရင် မင်းတို့ကို သတ်ပစ်မယ်”ဟု ကိုဖိုးဇော်၊ ကိုနိုင်ကြီး၊ ဦးကျော်လှိုင်၊ ကိုမျိုးမြင့်ဝင်း၊ ကိုမင်းထွေး၊ ကိုစိုးငြိမ်းတို့ကို ပြောသွားခဲ့ပါသည်။ ခဏအကြာ ကားထွက်သွားပြီးမှ ကားပြန်လှည့်၍ “မင်းတို့လျှောက်မပြောနဲ့ဦးနော်၊ နောက်တာ” ဟု ပြန်လာပြောပြီး ကားမောင်းထွက်သွားခဲ့ပါသည်။
            ဖျာပုံမြို့နယ်၊ ၁ရပ်ကွက်၊ ၁၀ရပ်ကွက်၊ ၉ရပ်ကွက်များတွင် ကြိုတင်မဲများထည့်ထားရာအိတ်များမှာ အိတ်များ၏ဘေးတစ်ဘက်တစ်ချက်တွင် ပွင့်နေသည်များကို တွေ့ရှိရသည်ဟု သတင်းပေးပို့လာပါသည်။
            ဖျာပုံမြို့နယ်၊ ၁၄ရပ်ကွက်ရှိ ကြိုတင်မဲစာရွက်တွင် ရပ်ကွက်ကော်မရှင်တံဆိပ်တုံးနှင့် လက်မှတ်များ မပါဝင်ကြောင်း ကြိုတင်မဲပေးသူတစ်ဦးမှ တွေ့ရှိ၍ပြန်ပြောသည့်အခါ စာရေးမမှ သူနားမလည်ကြောင်း ပြန်လည်ဖြေကြားခဲ့ပါသည်။
            ဖျာပုံမြို့နယ်၊ ကိုးအိမ်တန်းကျေးရွာတွင် မြို့နယ်ကော်မရှင်မှ ချပေးသော စာရင်းစာအုပ်များနှင့် NLD အောင်နိုင်ရေးအဖွဲ့မှ ထိုရွာအတွက် ရရှိထားသော စာရင်းစာအုပ်များရှိ မဲပေးနိုင်သူအရေအတွက်မှာ ကွဲပြားနေကြောင်း NLD အောင်နိုင်ရေးအဖွဲ့မှ ပြောကြားခဲ့ပါသည်။