16.9.2012 နေ့  သတင်းများ

by Myanmar Journal on Sunday, September 16, 2012 at 6:59am ·

မူစလင်ဆန္ဒပြမှုတွေဖြစ်စေခဲ့တဲ့ ရုပ်ရှင်ထုတ်လုပ်သူကို စစ်ဆေးမေးမြန်း
 
မူစလင်ကမ္ဘာမှာ ဆန္ဒပြပွဲတွေ ဖြစ်ပွားစေခဲ့တဲ့ ရုပ်ရှင်ကို ထုတ်လုပ်ခဲ့သူလို့ စွပ်စွဲခံနေသူ Nakoula Basseley Nakoula ကို လော့စ်အိန်ဂျဲလိစ် မြို့ ရဲတပ်ဖွဲ့က စစ်ဆေးရန် နေအိမ်ကနေ လာရောက် ခေါ်ယူစဉ်။ (စက်တင်ဘာလ ၁၅ ရက်၊ ၂၀၁၂)။
အမေရိကန်ပြည်ထောင်စု အနောက်ဘက်ကမ်းခြေ လော့စ်အိန်ဂျဲလိစ် (Los Angeles) မြို့ရဲတပ်ဖွဲ့က မူစလင်ကမ္ဘာမှာ ဆန္ဒပြပွဲတွေ ဖြစ်ပွားစေခဲ့တဲ့ ရုပ်ရှင်ကို ထုတ်လုပ်ခဲ့သူလို့ စွပ်စွဲခံနေသူကို သူ့ရဲ့နေအိမ်ကနေ ခေတ္တခေါ်ယူ မေးမြန်းခဲ့ပါတယ်။  ပြည်ထောင်စု အစိုးရ တာဝန်ရှိသူတွေက Nakoula Basseley Nakoula ဆိုသူကို စစ်ဆေး မေးမြန်းနိုင်ဖို့ သူ့ဆန္ဒအရ ခေါ်ဆောင်ခဲ့တာလို့ ရဲတပ်ဖွဲ့ကပြောပါတယ်။ မစ္စတာ Nakoula ဟာ  ၂၀၁၀ ပြည့်နှစ်က ဘဏ်ငွေ အလွဲသုံးစားမှုနဲ့ ထောင်ဒဏ် အပြစ်ပေးခံခဲ့ရသူ ဖြစ်တယ်လို့ ရိုက်တာ သတင်းမှာ ဖော်ပြထားပါတယ်။ ထောင်ကလွတ်ခဲ့ပြီး ၅ နှစ်အတွင်း ကောင်းမွန်စွာ နေထိုင်ပါ့မယ်ဆိုတဲ့ ခံဝန်ချက်နဲ့ နေထိုင်ရမယ့် ကာလမှာ အငြင်းပွားဖွယ် ရုပ်ရှင်ကို ထုတ်လုပ်ခဲ့တာကြောင့် ခံဝန် ချိုးဖောက်မှုနဲ့ ရင်ဆိုင်ရမယ့် အလားအလာ ရှိနေပါတယ်။ ၅ နှစ် ခံဝန်ထဲမှာ စောင့်ကြည့်တဲ့ အရာရှိရဲ့ ခွင့်ပြချက်မရဘဲ အင်တာနက် အသုံးပြုခွင့် မရှိပါဘူး။ Nakoula က မူစလင်ကမ္ဘာက ဆန္ဒပြသူတွေကို သောကြာနေ့က ဝေဖန်လိုက်ပါတယ်။ အာရပ်အနွယ်ဝင် မူစလင်တွေ အနေနဲ့ ငြိမ်းချမ်းစွာ ဆန္ဒထုတ်ဖော်ကြရတယ် ဆိုတာကို သင်ယူဖို့လိုတယ်လို့ Radio Sawa
နဲ့ တွေ့ဆုံခန်းမှာ ပြောဆိုလိုက်ပါတယ်။ အမေရိကန်နိုင်ငံ အနေနဲ့ ဒီရုပ်ရှင်နဲ့ ဘယ်လိုမှ ပတ်သက်ခြင်း မရှိကြောင်း လည်း သူက ပြောဆိုလိုက်ပါတယ်။

အခက်ကြုံသော်လည်း အမေရိကန် နောက်ဆုတ်မည်မဟုတ်

လစ်ဗျားနိုင်ငံမှာ အသတ်ခံခဲ့ရတဲ့ အမေရိကန်သံတမန် ၄ ယောက်ရဲ့ ရုပ်ကလပ်များအား အမေရိကန်ကို လွှဲပြောင်းပေးတဲ့ အခမ်းအနားမှာ သမ္မတ Barack Obama မိန့်ခွန်းပြောနေစဉ်
လစ်ဗျားနိုင်ငံမှာ အသတ်ခံခဲ့ရတဲ့ အမေရိကန်သံတမန် ၄ ယောက်ရဲ့ အလောင်းတွေ အမေရိကန်ကို လွှဲပြောင်းပေးတဲ့ အခမ်းအနားမှာ သမ္မတ Barack Obama က အမေရိကန်ပြည်ထောင်စုအနေနဲ့ အမေရိကန်သံရုံးတွေကို ခိုင်ခိုင်မာမာ ကာကွယ်သွားမှာဖြစ်တယ်လို့ ပြောလိုက်ပါတယ်။
အမေရိကန်ပြည်ထောင်စုအတွက် ခက်ခဲတဲ့ ရက်တွေကို ရင်ဆိုင်နေရပေမဲ့ ကမ္ဘာကြီးအတွက်နဲ့ တခြားသူတွေရဲ့ လွတ်မြောက်ရေးအတွက် အမေရိကန်ရဲ့ ဆောင်ရွက်မှုတွေ ဘယ်တော့မှ ရပ်သွားမှာ မဟုတ်ဘူးလို့ သမ္မတက ပြောခဲ့ပါတယ်။

လစ်ဗျားဆိုင်ရာ အမေရိကန် သံအမတ်ကြီး Christopher Stevens  နဲ့ သံဝန်ထမ်း ၃ ယောက် တို့ရဲ့ အလောင်းတွေ Washington မြို့တော်နားမှာရှိတဲ့ လေတပ် အခြေစိုက်စခန်းဆီ သောကြာနေ့က ပြန်ရောက်လာတဲ့ အခမ်းအနားကို ဒုတိယသမ္မတ Joe Biden, နိုင်ငံခြားရေးဝန်ကြီး Hillary Clinton တို့လဲ တက်ရောက်ခဲ့ကြပါတယ်၊ တမန်တော် မိုဟာမက်ကို လှောင်ပြောင်တဲ့ရုပ်ရှင်အပေါ် မကျေနပ်ကြတဲ့ ဆန္ဒပြသူတွေက Benghazi မြို့မှာရှိတဲ့ အမေရိကန် ကောင်စစ်ဝန်ရုံးမှာ ဆန္ဒပြကြရင်း အမေရိကန် သံတမန် ၄ ယောက် အသတ်ခံခဲ့ရတာဖြစ်ပါတယ်။

အမေရိကန်သံရုံးဥပစာကို အကြမ်းဖက်တာဟာ ဘယ်လိုမှကို လက်မခံနိုင်ဘူးလို့  သေဆုံးသွား ၄ ယောက်ကို ဂုဏ်ပြုစကားပြောကြားခဲ့တဲ့ နိုင်ငံခြားရေးဝန်ကြီး Clinton က ပြောကြားခဲ့ပါတယ်၊ Egypt, Libya, Yemen, နဲ့ Tunisia ပြည်သူတွေဟာ လူအုပ်စု အကြမ်းဖက်မှုဝါဒကို လိုချင်လို့ အာဏာရှင် အစိုးရတွေကို ဖြုတ်ချခဲ့ကြတာမဟုတ်ဘူးလို့ ဝန်ကြီး Clinton ကပြောပါတယ်၊ တမန်တော်မိုဟာမက်ကို လှောင်ပြောင်တဲ့ ရုပ်ရှင်ဟာ အင်မတန်မှ ဆိုးဝါးလှတယ်၊ ဒါဟာ အမေရိကန်နဲ့ ဘာမှ မပတ်သက်ဘူးလို့လဲ ပြောကြားခဲ့ပါတယ်။

အပြည်ပြည်ဆိုင်ရာ ဒီမိုကရေစီနေ့ လွှတ်တော်မှာကျင်းပ
 
အပြည်ပြည်ဆိုင်ရာ ဒီမိုကရေစီနေ့ အခမ်းအနားကို ၂၀၁၁ ခုနှစ်က ပထမဆုံးအကြိမ် ကျင်းပခဲ့စဉ် တက်ရောက်လာခဲ့ကြတဲ့ မြန်မာ့လွှတ်တော် အမတ်များ။ (စက်တင်ဘာလ ၁၅ ရက်၊ ၂၀၁၁)။
၂၀၁၂ ခုနှစ်ရဲ့ အပြည်ပြည်ဆိုင်ရာ ဒီမိုကရေစီနေ့ကို နေပြည်တော် ပြည်ထောင်စုလွှတ်တော် ခမ်းမမှာ ဒီကနေ့ ပြုလုပ်ပါတယ်။ ပြည်ထောင်စုလွှတ်တော် နယက ဦးခင်အောင်မြင့်၊ ပြည်သူ့လွှတ်တော် ဥက္ကဋ္ဌ ဦးရွှေမန်း၊ ရွေးကောက်ပွဲ ကော်မရှင်ဥက္ကဋ္ဌ ဦးတင်အေး တို့ ဦးဆောင်ပြီး အစိုးရ ၀န်ကြီးတချို့လည်း တက်ရောက်ပါတယ်။ နိုင်ငံရေးပါတီတွေကို ဖိတ်ကြားထားတာကြောင့် နိုင်ငံရေးပါတီ ၁၉ ပါတီက ဒီမိုကရေစီနေ့ အတွက် စာတမ်းတွေ တက်ရောက် ဖတ်ကြားခဲ့ကြပါတယ်။ အပြည်ပြည်ဆိုင်ရာ ဒီမိုကရေစီနေ့ ကျင်းပပြုလုပ်တဲ့ မြန်မာ့လွှတ်တော်မှာ ဘယ်လောက်အထိ ဒီမိုကရေစီ အနှစ်သာရ ပြည့်ဝလာပြီလို့ ယူဆပါလဲ။ အမျိုးသား ဒီမိုကရေစီအဖွဲ့ချုပ် ပြောခွင့်ရသူတဦးလည်းဖြစ်၊ မန္တလေးတိုင်း ပြည်သူ့လွှတ်တော် ကိုယ်စားလှယ်လည်း ဖြစ်တဲ့ ဦးအုန်းကြိုင်ကို ကိုသားညွှန့်ဦးက ဆက်သွယ် မေးမြန်းထားပါတယ်။

အပြည်ပြည်ဆိုင်ရာ ဒီမိုကရေစီနေ့ ဒီကနေ့ ကျင်းပတဲ့ အခမ်းအနားအကြောင်းကို ဦးအုန်းကြိုင်က အရင်ဆုံး အခုလို ပြောပြပါတယ်။

“ကျနော်တို့ NLD က တက်တယ်။ နောက် ကျနော်တို့ မတ္ထီလာနဲ့ ပျဉ်းမနားကြားမှာ ရှိတဲ့ အမျိုးသားလွှတ်တော် ကိုယ်စားလှယ်တွေ၊ ပြည်သူ့လွှတ်တော် ကိုယ်စားလှယ်တွေလည်း အဲဒီမှာ သွားပြီး တက်ရောက်ကြပါတယ်။ နောက် မကွေးက ဦးအောင်ကြည်မြင့်တို့၊ ထန်းတပင်က ဦးစိန်ထွန်း တို့၊ နောက် တောင်ငူက ဦးအောင်စိုးမြင့် ဆိုရင် ကျင်းပရေး ဗဟိုကော်မတီထဲမှာ ပါပါတယ်။ နေပြည်တော်က လွှတ်တော် ကိုယ်စားလှယ်တွေ လေးဦးစလုံးလည်း တက်ရောက်ကြပါတယ်။ နောက် တခြား တောင်ငူနဲ့တ၀ိုက်၊ မတ္ထီလာတ၀ိုက် မှာရှိတဲ့ အဖွဲ့ချုပ် လွှတ်တော် ကိုယ်စားလှယ်တွေ ဒေါ်စန္ဒာမင်း တို့ ဘာတို့လည်း အဲဒီမှာ တက်ရောက်ကြပါတယ်။”

ဒီမိုကရေစီနေ့ကို ဒုတိယအကြိမ် လွှတ်တော်မှာ ကျင်းပတာ ဆိုတော့ အခြေအနေက အန်ကယ်တို့ ဘယ်လိုမြင်လဲခင်ဗျ။ အရင်နှစ်ကထက် စာရင် ဘာများ ထူးထူးခြားခြား ရှိပါလဲ။ - 

“ထူးထူးခြားခြား ဒီနှစ်ကတော့ သူတို့ ကျင်းပမယ်လို့ လွှတ်တော်က စဉ်းစားကတည်းက ကျနော်တို့ လွှတ်တော်တက်နေတဲ့ နိုင်ငံရေးပါတီဝင်တွေ အားလုံး ပါဝင်တဲ့ ကျင်းပရေး ဗဟိုကော်မတီ ဆိုတာ ဖွဲ့တယ်။ ကျနော်တို့ ဆီကလည်း တောင်ငူက လွှတ်တော်ကိုယ်စားလှယ် ဦးအောင်စိုးမြင့် ပါတယ်။ ဗဟိုကော်မတီ ဖွဲ့ပြီးတော့ ပါတီကို တတ်နိုင်သမျှ ပါတီတွေ အားလုံးကို ပါဝင်အောင်ပေါ့ဗျာ၊ စာတမ်းတွေ သ၀ဏ်လွှာတွေ ထည့်ခိုင်းပါတယ်။ ကျနော်တို့ အဖွဲ့ချုပ်ကနေ သ၀ဏ်လွှာကတော့ ဦးဝင်းထိန် ကနေ ဖတ်ပါတယ်။ အဲဒါကတော့ ဒီနှစ်ထဲမှာ ကျယ်ကျယ်ပြန့်ပြန့်ပေါ့ဗျာ။ ပါတီတွေ အားလုံးပါအောင်း စည်းရုံးပြီးတော့ လုပ်လာတဲ့ အနေအထား တွေ့ရပါတယ်။ အဲဒါကတော့ ထူးခြားတယ်လို့ ကျနော် မြင်ပါတယ်။”

နောက်တခုက အန်ကယ့်သဘောထားကို မေးချင်ပါတယ်။ လွှတ်တော် ကိုယ်စားလှယ် တဦးအနေနဲ့ အမြင်ပေါ့။ အခု ဒီမိုကရေစီနေ့ကို ကျင်းပဖြစ်တာတော့ ဒီ မြန်မာလွှတ်တော်မှာ ဒုတိယနှစ်ပေါ့နော်။ အဲဒီတော့ မြန်မာလွှတ်တော်မှာ ဒီမိုကရေစီနေ့ကို ကျင်းပသလိုပဲ ဒီမိုကရေစီအရ လွတ်လွတ်လပ်လပ်နဲ့ အခြေအနေ၊ လွတ်လပ်ခွင့်ရှိလာတဲ့ အခြေအနေ၊ ဒီမိုကရေစီ အနှစ်သာရ မြန်မာလွှတ်တော်ထဲမှာ ဘယ်လောက်ထိရော ရှိလာပြီလို့ ထင်မြင်ယူဆပါလဲ။ - 

“ကျင်းပဖို့ဆိုပြီး ကျနော်တို့ကို လှုံ့ဆော်ကတည်းကိုက ဒါ ကုလသမဂ္ဂက နေပြီးတော့ပေါ့ဗျာ ဒီနေ့ စက်တင်ဘာ ၁၅ ရက်နေ့ကို ဒီမိုကရေစီ အထိမ်းအမှတ်နေ့ အဖြစ်နဲ့ သတ်မှတ် ကြေညာထားတယ်။ အဲဒါကြောင့်မို့ ကျင်းပပါမယ်လို့ ဆိုတော့ ဒါ ဒီမိုကရေစီ ထွန်းကားလာမယ့်ကိစ္စကို လက်ရှိ ကျနော်တို့ အစိုးရကပေါ့ဗျာ၊ ဒါကို လေးလေးနက်နက် ထားတယ်ဆိုတဲ့ ကုလသမဂ္ဂလိုပဲ အလေးအနက် ထားတယ် ဆိုတာ ပေါ်လွင်ပါတယ်။ နောက် သူတို့ လွှတ်တော် အနေနဲ့တော့ ဒါ ပထမအကြိမ် ပြည်သူ့လွှတ်တော် စတုတ္ထပုံမှန် အစည်းအဝေး အဆင့် ရောက်သွားပြီပေါ့။ ကျနော်တို့ကတော့ ဒါ ပထမဦးဆုံးအကြိမ် စတုတ္ထပုံမှန် အစည်းအဝေးမှာမှ ကျနော်တို့က စပြီးတော့ တက်ကြတာကိုး။ အရင် ပထမအကြိမ်က ကျမ်းကျိန်တာနဲ့ပဲ ကျနော်တို့က တနေ့တည်း စတိ ရောတက်လိုက်ပြီးတော့ တကယ့် အစည်းအဝေးက အခုမှ စကျင်းပတာ။ အဲဒီတော့ ကျနော်တို့အမြင် ပြောရရင်တော့ တော်တော်လေးတော့ ဆွေးနွေးပြောဆိုမှုတွေဟာ လွတ်လွတ်လပ်လပ် ပွင့်ပွင့်လင်းလင်း ပိုရှိလာတယ်။ တစ်ယောက်နဲ့တစ်ယောက် ပိုပြီးတော့ အဲဒီလို ဖြစ်လာတဲ့အခါကျတော့လည်း သူ့ပါတီ ကိုယ့်ပါတီ ဆိုတာကလည်း တစ်ယောက်နဲ့တစ်ယောက် လွှတ်တော် ကိုယ်စားလှယ် အချင်းချင်း ကြားထဲမှာလည်း ပိုပြီးနားလည်မှုတွေ တိုးလာတယ်။ တိုင်းရင်းသားတွေနဲ့ ကျနော်တို့ ကြားမှာလည်း နားလည်မှု ပိုပြီး တိုးလာတယ်။ တပ်မတော်သားတွေနဲ့ ကျနော်တို့ ကြားထဲမှာလည်း နားလည်မှု ပိုတိုးလာတယ်။ ပိုပြီးတော့ ဆက်ဆံရေးကလည်း ပို တိုးတက်လာတယ်။ ဒါကတော့ နည်းနည်း ထူးခြားတယ်လို့ အခုတကြိမ် တက်ခဲ့ပြီးတဲ့ အပြီးမှာ ကျနော် ခံစားရတဲ့ ခံစားချက်ပါ။”

လွှတ်တော်ထဲမှာရော လူထုရဲ့ ဒီမိုကရေစီ ဆိုတဲ့ လူထုရဲ့အသံ၊ လူထုရဲ့ သဘောထားကိုရော ဘယ်လောက်ထိ ထင်ဟပ်နိုင်မှု ရှိတယ်လို့ ယူဆပါလဲ။ - 

“လွှတ်တော်ဥက္ကဋ္ဌရဲ့ ဆောင်ပုဒ်တွေပေါ့ဗျာ၊ သူ့ရဲ့ သြ၀ါဒကိုယ်က လွှတ်တော်ဟာ ပြည်သူ့အသံပဲ။ လွှတ်တော်ရဲ့ ဆန္ဒဟာ ပြည်သူ့ရဲ့ ဆန္ဒပဲ၊ ပြည်သူ လူထုရဲ့ မျှော်လင့်ချက်တွေကို လွှတ်တော်က အကောင်အထည် ဖော်ကြရမှာ ဖြစ်တယ်လို့ သူက လမ်းညွှန်ထားတော့ တော်တော်တော့ အဲဒီဘက်ကို တော်တော် အားကြိုးမာန်တက် ကြိုးပမ်းနေတယ်ပေါ့ဗျာ။ ဒါဖြင့်ရင် စစ်မှန်တဲ့ ဒီမိုကရေစီ ရောက်ပြီလား လို့ ပြောဖို့ကတော့ ကျနော်တို့က ဖွဲ့စည်းပုံ အခြေခံဥပဒေကို ပြင်ရဦးမယ်လို့ ပြောထားသူတွေ ဖြစ်တယ်။ အဲဒီတော့ ဖွဲ့စည်းပုံ အခြေခံဥပဒေကို ပြင်ဆင်ရဦးမယ်၊ အဲဒါမှ ဖွဲ့စည်းပုံမှာပါတဲ့ အခြေခံဥပဒေတွေက တကယ့်ကို အပြည်ပြည်ဆိုင်ရာ ဒီမိုကရေစီ စံနှုန်းတွေနဲ့ ကိုက်တဲ့အဆင့်အထိ ရောက်သွားဖို့ ဆိုရင်တော့ ကြိုးစားရဦးမယ်လို့ ကျနော်တို့က အဲဒီလိုပြောမယ်။ သို့သော်လည်း အရင်ထက်စာရင်တော့ တကယ့်ကို ဒီမိုကရေစီဘက်ကိုတော့ ထက်ထက်သန်သန်ပေါ့၊ တက်တက်ကြွကြွ ပြောင်းလဲဖို့ အားယူကြိုးစား နေတာကတော့ ပေါ်လွင်တယ်လို့ ကျနော် ဒီလိုပဲ သုံးသပ်ချင်ပါတယ်။”

သံရုံးတွေ ဆက်လက် တိုက်ခိုက်ခံရ
ခါတွမ်းက အနောက် သံရုံးတွေကို တိုက်ခိုက်
တမန်တော် မိုဟာမက်ကို စော်ကားတယ် ဆိုတဲ့ အမေရိကန် ရိုက် ရုပ်ရှင်ကား ကို ဆန္ဒပြ ပွဲတွေ မွတ်ဆလင် နိုင်ငံ တွေမှာ ထပ်ပြီး ပျံ့နှံ့သွား ပါတယ်။
အနည်းဆုံး နိုင်ငံ ၁၅ နိုင်ငံမှာ သောကြာနေ့ ဝတ်ပြု အပြီး ဒေါသ ထွက်နေတဲ့ လူအုပ်ကြီးက ဆန္ဒပြ ခဲ့ကြပါတယ်။
သောကြာနေ့က ဖြစ်ပွားတဲ့ ဆန္ဒပြမှုတွေ အတွင်း အနည်းဆုံး ၇ ဦး သေဆုံးပါတယ်။
သေသူ အားလုံးဟာ ဆန္ဒပြသူတွေ ဖြစ်ကြတယ်လို့ ယူဆ ရပါတယ်။
ကျူနီးရှားနဲ့ ဆူဒန်က အနောက် နိုင်ငံ သံရုံး တွေကို လူအုပ်က တိုက်ခိုက်တာ ခံရပါတယ်။
ကျူးနစ် မြို့တော် အမေရိကန် သံရုံးနား မှာ ခိုက်ရန် ဖြစ်ပွားပြီး ဆန္ဒပြ သူ နှစ်ဦး သေဆုံးတယ်လို့ ကျူနီးရှား အစိုးရ ရုပ်သံက ဆိုပါတယ်။
ဆူဒန် နိုင်ငံ ခါတွမ်းက ဗြိတိန်နဲ့ ဂျာမနီ သံရုံးတွေ တိုက်ခိုက် ခံရပြီး အမေရိကန် သံရုံးထဲ ဝင်ဖို့ ကြိုးစားတဲ့ လူအုပ်ကို လုံခြုံရေးက ဟန့်တားရာက သုံးယောက် သေဆုံးတယ်လို့ အစိုးရ က ကြေညာ ပါတယ်။
နောက်ထပ် သေဆုံးသူတွေ ကတော့ အီဂျစ်မှာ တဦး လက်ဘနွန် မှာ တဦး ဖြစ်ပါတယ်။
အကြမ်းဖက် ဆူပူမှု တွေ ရပ်တန့်ကြဖို့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က နှိုးဆော် ခဲ့ပါတယ်။
အီဂျစ် လစ်ဗျား ယီမင် ကျူနီးရှား နိုင်ငံသား တွေဟာ အာဏာရှင်ရဲ့ ရက်စက်မှု နဲ့ လူအုပ်ဖွဲ့ ရမ်းကား မှု ကို လဲမယ့်သူတွေ မဟုတ်ပါဘူးလို့ မစ္စစ် ကလင်တန်က ပြောကြား ခဲ့ပါတယ်။
သမ္မတ အိုဘားမား ကတော့ အမေရိကန် သံတမန် တွေကို အကြမ်းဖက် တိုက်ခိုက်တာတွေ အပေါ် အမြန် တုံ့ပြန် သွားမယ်လို့ ဆိုပါတယ်။
ဒီလို အမေရိကန် သံရုံးတွေကို တိုက်ခိုက်မှုတွေ အနှံ့အပြား ဖြစ်လာချိန်မှာ သံတမန် တွေအတွက် လုံခြုံရေး တိုးချထားတယ်လို့ သူကပြောပါတယ်။

ကြေးနီစီမံကိန်း ရပ်ဆိုင်းရေး ဆက်လက် ဆန္ဒပြ
ဖမ်းဆီးခံရမှာကို စိုးရိမ် ပေမယ့်လည်း စီမံကိန်း ရပ်ဆိုင်းရေးကို ဆက်လက် လုပ်ဆောင်သွားမယ်လို့ ပြော
မုံရွာ ခရိုင် ဆားလင်းကြီး မြို့နယ်က လက်ပံတောင်းတောင် ကြေးနီ စီမံကိန်း ရပ်ပေးရေး ဆန္ဒပြ တောင်းဆိုမှုတွေဟာ ဖမ်းဆီး ခြောက်လှန့်တာတွေ ရှိတဲ့ ကြားကပဲ ဆက်လက် ဖြစ်ပွား နေပါတယ်။
စနေနေ့က ဆိုရင် စီမံကိန်းကြောင့် ပြောင်းရွှေ့ပေး ရမယ့် ရွာ ၄ ရွာ ထဲက တရွာ ဖြစ်တဲ့ ဆည်တဲရွာမှာ၊ လူ ၂၀၀ ကျော် ကနေ စီမံကိန်း လုပ်ကိုင်ခွင့် ရထားတဲ့ ဦးပိုင် ကုမ္ပဏီကို ဆန္ဒပြတဲ့ အနေနဲ့ လူသေ အခေါင်းမှာ ဦးပိုင်လူ ဆိုတဲ့ နာမည်ရေးပြီး အသုဘချတဲ့ ပုံစံနဲ့ ဆန္ဒပြခဲ့ ပါတယ်။
အခုလို ဆက်လက် ဆန္ဒပြနေကြတဲ့ အတွက် ဖမ်းဆီးခံရမှာကို စိုးရိမ် ပေမယ့်လည်း လက်ပန်းတောင်းတောင် စီမံကိန်းကြီး ရပ်ဆိုင်းရေးကို ဆက်လက် လုပ်ဆောင်သွားမှာ ဖြစ်တယ်လို့ ဆန္ဒပြတဲ့ အထဲမှာ ပါဝင်တဲ့ ဆည်တဲ ရွာသူ မမြင့်မြင့်က ဘီဘီစီကို ပြောပါတယ်။
ကုမ္ပဏီဘက်က တာဝန်ရှိသူတွေ ကတော့ ဒီစီမံကိန်းကို ဥပဒေ ကြောင်း အရ နိုင်ငံတော်နဲ့ ပူပေါင်း ဆောင်ရွက် ထားတာ ဖြစ်တယ်လို့ ဆိုပါတယ်။ ဒီအတွက် သူတို့ ဘက်က နောက်ဆုတ် မပေးနိုင်ဘူး လို့လည်း ပြောပါတယ်။
မမြင့်မြင့် ကတော့ ဒါဟာ ကုမ္ပဏီဘက်က လုပ်ကြံတာ ဖြစ်တယ်လို့ ပြောပါတယ်။ စာချုပ်တွေ ချုပ်ဆိုတုန်းက ခေါင်းစဉ်လည်း မပြဘဲ လက်ဗွေနှိပ်ခိုင်း၊ လက်မှတ် ထိုးခိုင်းတာတွေ လုပ်ကြောင်း၊ အဲဒီစာချုပ်ထဲမှာ ဘာတွေ ပါတယ် ဆိုတာလည်း လယ်သမားတွေ မသိခဲ့ရဘူးလို့ ဆိုပါတယ်။
ဒီစီမံကိန်းကြောင့် သဘာဝ ပတ်ဝန်းကျင် ထိခိုက်မှုတွေလည်း ဖြစ်ပွားလာနေရာ၊ ဆည်တဲရွာ ဘုန်းကြီးကျောင်းဝင်းထဲမှာ ရှိတဲ့ သောက်ရေကန်ဟာလည်း အငံဓာတ် လွန်ကဲနေပြီ ဖြစ်တယ်လို့ ဆိုပါတယ်။
အခုအချိန်အထိ ကုမ္ပဏီ ဘက်က ညှိနှိုင်းဖို့ ဆိုပြီး ခေါ်တာမျိုး မရှိကြောင်း၊ ဥပဒေ အရလည်း လယ်သမားတွေက နားမလည်ကြဘူးလို့ ဆိုပါတယ်။ ကိုယ့်အပေါ် ကောင်းအောင် လုပ်ပေးမယ့် ဘယ်လို အဖွဲ့အစည်းမျိုးကို မဆို ကြိုဆိုကြောင်း မမြင့်မြင့်က ပြောပါတယ်။
ဆည်တဲရွာက လူတွေဟာ ရွှေ့ပြောင်းပေးမှုတွေ မလုပ်ဖို့ စိတ် ပိုင်းဖြတ်ထားပြီး၊ လျော်ကြေးလည်း မလိုချင်ကြောင်း၊ စီမံကိန်းကိုပဲ ရပ်ပေး စေလိုကြောင်း ပြောဆိုပါတယ်။

ဂျပန်ဆန့်ကျင်ရေး ဆန္ဒပြမှုတွေ ကြီးထွားလာ
ရဲတွေ ဝိုင်းပိတ် ဆို့ထားတဲ့ အတား အဆီးတွေကို ကျော်ဖြတ်ဖို့ ကြိုးစားခဲ့
တရုတ်နဲ့ ဂျပန်နိုင်ငံ အကြား ကျွန်းစု ကိစ္စ အငြင်းပွားနေမှု တဖြည်းဖြည်း ကြီးထွား တင်းမာ လာနေချိန်မှာပဲ တရုတ် နိုင်ငံက မြို့အတော် များများမှာ ဂျပန် ဆန့်ကျင်တဲ့ ဆန္ဒပြမှုတွေ ဖြစ်ပွားခဲ့ပါတယ်။
ဘေဂျင်း မြို့တော်မှာ ဆိုရင် ဆန္ဒပြသူတွေက ဂျပန် သံရုံးကို ခဲတွေ ပုလင်းတွေနဲ့ ပစ်ပေါက် ခဲ့ကြသလို အဓိကရုဏ်း ရဲတွေ ဝိုင်းပိတ် ဆို့ထားတဲ့ အတား အဆီးတွေကို ကျော်ဖြတ်ဖို့ ကြိုးစားခဲ့ ကြပါတယ်။ အနည်းဆုံး တခြား မြို့ ၁၁ မြို့ မှာလည်း အလားတူ ဆန္ဒပြမှုတွေ ဖြစ်ပွားခဲ့ပါတယ်။
ဂျပန် စားသောက်ဆိုင်တွေကို ဆန္ဒပြသူတွေက တိုက်ခိုက် ခဲ့ကြသလို တနေရာမှာတော့ ဂျပန်နိုင်ငံထုတ် ကားတစီးကို မှောက်လှန် ဖျက်ဆီး ထားတာ တွေ့ရပါတယ်။
အရှေ့ တရုတ်ပင်လယ်ပြင်က သူပိုင်ငါပိုင် အငြင်းပွားနေတဲ့ ကျွန်းစု တချို့ကို ဂျပန် အစိုးရက အခုသီတင်းပတ်မှာ ဝယ်ယူလိုက်တာ ကြောင့်လည်း တရုတ်ပြည်သူတွေ အကြား မကျေနပ် မှုတွေ ပိုကြီးထွားလာခဲ့တာပါ။
ဂျောင်ယူလို့ တရုတ်တွေက အမည်ပေးထားပြီး ဆဲန်ကာကူလို့ ဂျပန်တွေက ခေါ်တဲ့ အဲဒီ ကျွန်းစုတွေထဲက ကျွန်းစု ၃ ခု ကို ဂျပန် အစိုးရက ဝယ်လိုက်ပြီ ဆိုတဲ့ ကြေညာချက်ကို တုံ့ပြန်တဲ့ အနေနဲ့ တရုတ် အစိုးရ ကလည်း အဲဒီ ကျွန်းစုတွေနား တဝိုက်ဆီ သောကြာနေ့ ကပဲ ကင်းထောက် သင်္ဘော ၆ စင်း စေလွှတ် လိုက်ပါတယ်။
အခုလို အငြင်းပွားနေမှုကြောင့် အခုအခါ တရုတ် ဂျပန် နှစ်နိုင်ငံ အကြား စီးပွားရေး ဆက်ဆံမှုအတွက် ထိခိုက်မှုတွေ ရှိလာနိုင်ပါတယ်။ နှစ်ဖက်စလုံးရဲ့ သံတမန်တွေ အနေနဲ့ သူတို့မှာ ဆုံးရှုံး ထိခိုက်မှုတွေ ရှိလာမယ် ဆိုတာကို အသေအချာ သိထားကြပါတယ်။
ဒါပေမယ့်လည်း အမျိုးသားရေးနဲ့ ဆိုင်တဲ့ တက်ကြွမှုတွေက ထိန်းဖို့ ခက်နေပါတယ်။ ဘေဂျင်းမှာ ခေါင်းဆောင် အပြောင်းအလဲ အတွက် ရွေးချယ်ဖို့ ကာလလည်း ဖြစ်နေ၊ ဂျပန် မှာလည်း ရွေးကောက်ပွဲ နီးလာနေပြီ ဆိုတော့၊ ဒီကာလဟာ နိုင်ငံရေး ကာလ ဖြစ်နေ တာကြောင့် အခြေအနေကို ထိန်းနိုင်မှာ မဟုတ်ဘူးလို့ တွက်ဆနေသူတွေ ရှိနေပါတယ်။

ဖားကန့် ကျောင်းသူ သေဆုံးတာ အစိုးရ စစ်သားလက်ချက်လို့ ဆို
ဖားကန့်မြို့မှာ ဖြစ်ခဲ့တဲ့ ပစ်ခတ်မှုအတွင်း တခြားလူ ၈ဦးလည်း ဒဏ်ရာရခဲ့
ဖားကန့်မြို့နယ် မော်ဝမ်းရပ်ကွက်မှာ ပြီးခဲ့တဲ့ ကြာသပတေးနေ့ ညနေ ကျောင်းဆင်းချိန် ကျောင်းသူလေး တဦး ကျည်ဆံ ထိမှန် သေဆုံးခဲ့ရတာဟာ အစိုးရ စစ်သားတဦးရဲ့ လက်ချက် ဖြစ်တယ်လို့ မျက်မြင် သက်သေ တွေက ပြောပါတယ်။
နဝမတန်း ကျောင်းသူ မဂျာဆိုင်းအိမ်ရဲ့ အသုဘကို စနေနေ့မှာ နှစ်ခြင်း ခရစ်ယာန် အသင်းတော်က ကြီးမှူး ကျင်းပပေးခဲ့ပြီး ကျောင်းသားကျောင်းသူတွေ အပါအဝင် လူတရာကျော် လိုက်ပါ ပို့ဆောင်ခဲ့ကြပါတယ်။
ဒီဖြစ်ရပ်အပေါ် ဆန့်ကျင် ကန့်ကွက်ကြောင်း ဆန္ဒ ထုတ်ဖေါ် ပြသကြဖို့ ကျောင်းသူ ကျောင်းသားတွေက စီစဉ်ခဲ့ကြပေမယ့် အကြောင်းအမျိုးမျိုးကြောင့် မလုပ်ဖြစ်ခဲ့ဘူး လို့ သိရပါတယ်။
မဂျာဆိုင်းအိမ် ကျည်ဆံထိမှန် သေဆုံးခဲ့ပုံနဲ့ ပတ်သက်လို့ KIA နဲ့ အစိုးရတပ်တွေ အကြား တိုက်ပွဲ ဖြစ်ရာကနေ ကျည်ဆံ ထိမှန် သေဆုံးခဲ့တာလို့ သတင်းတွေ ထွက်ပေါ်ခဲ့ပေမယ့် အဲ့ဒီ ကျောင်းသူလေး မဂျာဆိုင်းအိမ်နဲ့ အတူ တခြား ကျောင်းသူ ကျောင်းသားတွေ ကျောင်းက ပြန်လာချိန် အစိုးရ စစ်တပ်က စစ်သားတွေ မူးယစ်ရမ်းကားပြီး အချင်းချင်း ပစ်ရာကနေ အခုလို ကျည်ဆံ ထိမှန် သေဆုံးခဲ့ရတာ ဖြစ်ကြောင်း မျက်မြင်သက်သေတွေက ပြန်ပြောပြတယ်လို့ ဖားကန့်မြို့ ဒေသခံ ဦးဒရှီလဆိုင်းက ဘီဘီစီကိုပြောပါတယ်။
ဒါ့အပြင် ပစ်ခတ်မှု ဖြစ်အပြီး မဂျာဆိုင်းအိမ်ရဲ့ ရွာက ရွာသားတွေကို စစ်တပ်က ခြိမ်းခြောက် ရိုက်နှက်ခဲ့တာမျိုးတွေ ရှိခဲ့တယ်လို့လည်း ပြောပါတယ်။
အဲဒီ ပစ်ခတ်မှုအတွင်း တခြားလူ ၈ဦးထက် မနည်းလည်း ဒဏ်ရာရသွားတယ်လို့ သိရပါတယ်။
မဂျာဆိုင်းအိမ်ရဲ့ မိဘနှစ်ပါးအနေနဲ့ ဒီဖြစ်ရပ်နဲ့ ပတ်သက်လို့ သက်ဆိုင်ရာ အာဏာပိုင်တွေကို ဘယ်လို တိုင်တန်းရမလဲဆိုတာ မသိလို့ တိုင်တန်း တင်ပြခြင်း မလုပ်ရသေးပေမယ့် ပြည်သူတွေကို စော်ကား မော်ကားလုပ်တဲ့ ဒီလို အဖြစ်မျိုး ထပ်မကြုံအောင် ပြစ်မှုကျူးလွန်ခဲ့သူ တပ်သားကို တရားဥပဒေအရ ဖေါ်ထုတ် အရေးယူဖို့ လိုလားနေတယ်လို့ ဆိုပါတယ်။

အာဖဂန်က မဟာမိတ် စစ်စခန်းတခု တိုက်ခိုက်ခံရ
၎ နာရီကြာ တိုက်ပွဲ အတွင်း အမေရိကန် မရိန်း တပ်သား ၂ ဦးနဲ့ တာလီဘန် သူပုန် ၁၈ ဦး သေဆုံး
အာဖဂန် နစ္စတန်က နိုင်ငံတကာ တပ်ဖွဲ့ ISAF ရဲ့ အရေးအကြီးဆုံး တပ်စခန်း တခု ဖြစ်တဲ့ ဘာ့စတီယန် စခန်းကို တာလီဘန် သူပုန်တွေက ချိုးဖေါက် ဝင်ရောက် တိုက်ခိုက် နိုင်ခဲ့တယ်လို့ နိုင်ငံတကာ တပ်ဖွဲ့က ဝန်ခံ ပြောကြား လိုက်ပါ တယ်။
ဟဲလ်မန်း ပြည်နယ်မှာ ရှိတဲ့ ဘာ့စတီယန် စခန်း ခြံစည်းရိုးက လုံခြုံရေး အားနည်းချက် ရှိနေတဲ့ အပိုင်းကို တာလီဘန်တွေ တွေ့ရှိ သွားပြီး အဲဒီ ကနေ ဝင်ရောက် ခဲ့ကာ စခန်းထဲက လေယာဉ်ကွင်းကို တိုက်ခိုက် ခဲ့တာ ဖြစ်ပါတယ်။
ခြံစည်းရိုးဝင်းကို အသေခံဗုံးခွဲ သမားက ဖေါက်ခွဲ လိုက်တဲ့ အချိန်မှာ တိုက်ပွဲ စတင်ပြီး၊ ၄ နာရီကြာ တိုက်ပွဲ အတွင်း အမေရိကန် မရိန်း တပ်သား ၂ ဦးနဲ့ တာလီဘန် သူပုန် ၁၈ ဦး သေဆုံး သွားခဲ့ ပါတယ်။
ဗြိတိသျှ တတိယ နန်းလျာ (နန်းရန်)မင်းသား ဟယ်ရီ ဟာ အဲဒီစခန်းမှာ ရဟတ်ယာဉ်မောင်း လေယာဉ်မှူးအဖြစ် တာဝန် ထမ်းဆောင် နေတာ ဖြစ်လို့ ဒီစခန်းကို ပစ်မှတ်ထား တိုက်ခိုက် ရတာ ဖြစ်ကြောင်း တာလီဘန်တွေက ပြောပါတယ်။

၁၀၀% လာရောက် ရင်းနှီးမြှုပ်နှံလိုသူများနှင့် ပြည်တွင်း လုပ်ငန်းရှင်များ စိုးရိမ်ချက်
နေလင်းအောင်၊ ကြည်ပြာ | စနေနေ့၊ စက်တင်ဘာလ ၁၅ ရက် ၂၀၁၂ ခုနှစ် ၁၅ နာရီ ၂၆ မိနစ်
 ရန်ကုန် (မဇ္ဈိမ)။   ။ မြန်မာနိုင်ငံတွင် ရင်းနှီးမြှုပ်နှံရန် စိတ်ဝင်စားနေသည့် နိုင်ငံခြားရင်း နှီးမြှုပ်နှံသူများသည် ရာနှုန်းပြည့် ရင်းနှီးမြှုပ်နှံခွင့် ရရှိရန် မျှော်လင့်နေကြောင်း ပြည်ပလုပ်ငန်းရှင်များက ပြောသည်။

နိုင်ငံခြား ရင်းနှီးမြှုပ်နှံသူ အများစုမှာ ဘဏ်လုပ်ငန်း၊ ရေနံ၊ သဘာဝဓါတ်ငွေ့၊ စွမ်းအင်နှင့် ခရီးသွားကဏ္ဍများကို အများဆုံး စိတ်ဝင်စားလျက်ရှိကြပြီး ယင်းလုပ်ငန်းများတွင် ရာနှုန်းပြည့် လုပ်ကိုင်ခွင့် ရရှိလိုကြောင်း မြန်မာနိုင်ငံတွင် ဖက်စပ်လုပ်ကိုင်နေသော Yoma Strategic Holdings မှာ အမှုဆောင်ဥက္ကဋ္ဌ Mr. Serge Pun ကနေပြည်တော်ရှိ မြန်မာ အပြည်ပြည်ဆိုင်ရာ ကွန်ဗားရှင်း စင်တာတွင် ကျင်းပခဲ့သည့် Myanmar Global InvestmentForum တွင် ထည့်သွင်း ဆွေးနွေးခဲ့သည်။

“နိုင်ငံခြားရင်းနှီးမြှုပ်နှံမှုဥပဒေဟာ နိုင်ငံခြားရင်းနှီးမြှုပ်နှံသူတွေအတွက် အာမခံချက် ရှိဖို့လိုတယ်။ လုံခြုံမှု ရှိစေနိုင်ရမယ်။ ကာလရှည် ရင်းနှီးမြှုပ်နှံနိုင်ဖို့အခွင့်အရေးရှိသင့်တယ်” ဟု ၎င်းက ဆိုသည်။

ထို့ပြင် နိုင်ငံခြားရင်းနှီးမြှုပ်နှံလိုသူများအား ပြည်တွင်းလုပ်ငန်းများနှင့် ချိတ်ဆက် အကြံပေးခြင်းတို့ကို ဆောင်ရွက်နေသော Thura Swiss ကုမ္ပဏီမှ အမှုဆောင်အရာရှိ ဦးအောင်သူရ ကလည်း “နိုင်ငံခြား ရင်းနှီးမြှုပ်နှံလိုသူတွေက ပြည်တွင်း လုပ်ငန်းရှင်တွေနဲ့ ပူးပေါင်းလုပ်ကိုင်မယ်ဆိုရင်လည်း အနည်းဆုံး ၅၁ ရာခိုင်နှုန်း လိုချင်တယ်။ ဒါက သူတို့ အနေနဲ့ လုပ်ပိုင်ခွင့်နဲ့ ဆုံးဖြတ်ပိုင်ခွင့်တွေကို ရရှိလိုတာကြောင့်ပါ” ဟု ပြောဆိုသွားသည်။

သို့မဟုတ်ဘဲ ရင်းနှီးမြှုပ်နှံခွင့်ကို ၄၉ ရာခိုင်နှုန်းအထိသာ ထည့်ဝင်ခွင့် ရမည်ဆိုပါက ၎င်းတို့အနေဖြင့် ဆုံးဖြတ်ပိုင်ခွင့် လျော့နည်းမည်ကို စိုးရိမ်ကြောင်းလည်း စက်တင်ဘာလ ၁၂ ရက်နှင့် ၁၃ ရက်နေ့များက ကျင်းပသည့် အဆိုပါအစည်းအဝေးတွင် ထည့်သွင်း ပြောကြားသွားသည်။

ပြည်ထောင်စုလွှတ်တော်မှ သမ္မတ ထံသို့ တင်ပြထားသော နိုင်ငံခြား ရင်းနှီးမြှုပ်နှံမှု ဥပဒေ (မူကြမ်း)တွင်မူနိုင်ငံခြား ရင်းနှီးမြှုပ်နှံလိုသူများအတွက် ဝန်ဆောင်မှုလုပ်ငန်း၊ သဘာဝရင်းမြစ် ပတ်ဝန်းကျင်ကို ထိခိုက်စေသည့် လုပ်ငန်းများ၊ မြန်မာ့ပင်လယ်ပြင် ငါးဖမ်းလုပ်ငန်း စသည့် ကဏ္ဍ ၁၃ ခုတွင် ရင်းနှီးမြှုပ်နှံခွင့်များ ကန့်သတ်ထားခြင်းကိုလည်း အချို့က အဟန့်အတားတခုအဖြစ် ထင်မြင်သည်။

“ဥပဒေ မူကြမ်းမှာက ကန့်သတ်ချက်တွေ များနေတယ်။ ဒီကန့်သတ်ချက်တွေက ပြည်ပ ရင်းနှီးမြှုပ်နှံမှုတွေ ဝင်ရောက်လာမယ့်နေရာမှာ အဟန့်အတား ဖြစ်စေနိုင်တယ်။ ဒီလို အဟန့်အတား ဖြစ်လာရင် သူတို့ဆီမှာ ပါလာမယ့် နည်းပညာတွေ ရရှိနိုင်ဖို့လည်း အခက်အခဲတွေ ဖြစ်လာနိုင်တယ်” ဟု စက်တင်ဘာလ အစောပိုင်းက မီဒီယာများနှင့်တွေ့ဆုံစဉ် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်း UMFCCI ဥက္ကဋ္ဌ ဦးဝင်းအောင် က ပြောသည်။

ထိုင်းနိုင်ငံဆိုင်ရာ ဒိန်းမတ်သံအမတ်ကြီး Mr. Mikael Hemniti Winther ကလည်း မြန်မာ့စီးပွားရေး ဖွံ့ဖြိုးမှုအလားအလာ၏ အလွန်ကောင်းမွန်သော အခြေအနေနှင့် ဆက်စပ်နေသော တချိန်တည်းတွင် အခြေခံ အဆောက်အအုံများ၊ သက်ဆိုင်ရာ ကဏ္ဍအလိုက် ဥပဒေများ တိကျခိုင်မာစွာ ရှိသင့်ပြီး နိုင်ငံခြားရင်းနှီးမြှုပ်နှံမှု ဥပဒေတွင်လည်း နိုင်ငံတိုင်းအတွက် လုပ်ငန်းလုပ်ကိုင်နိုင်သော အခြေအနေများ ဖန်တီးပေးသင့်ကြောင်း  သြဂုတ်လ ၃၀ ရက်နေ့က UMFCCI တွင်ပြုလုပ်သော ဒိန်းမတ်နိုင်ငံမှလုပ်ငန်းရှင်များနှင့် ပြည်တွင်းလုပ်ငန်းရှင်များ စီးပွားရေး ဆွေးနွေးပွဲတွင် ပြောကြားခဲ့ဖူးသည်။

သို့သော်လည်း နိုင်ငံခြား ရင်းနှီးမြှုပ်နှံခွင့်ကို ကဏ္ဍတိုင်းတွင် ရာနှုန်းပြည့် လုပ်ပိုင်ခွင့်များ ပေးလျှင် ပြည်တွင်း လုပ်ငန်းရှင်များအတွက် ယှဉ်ပြိုင်မှုများ တိုးလာပြီး အခက်အခဲ ကြီးမားနိုင်ကြောင်း ပြည်တွင်းလုပ်ငန်းရှင် အသိုင်းအဝန်းက စိုးရိမ်မှုများ ရှိနေသည်။

“နိုင်ငံခြားရင်းနှီးမြှုပ်နှံမှုတွေကို ၁၀၀ ရာခိုင်နှုန်း ရင်းနှီးမြှုပ်နှံခွင့် ပေးဖို့ဆိုတာက တိုင်းရင်းသား လုပ်ငန်းရှင်တွေ မလုပ်ကိုင်နိုင်တဲ့၊ ဒီကလူတွေ နည်းပညာ မတတ်နိုင်တဲ့ လုပ်ငန်းမျိုးတွေ အတွက်ပဲ ဖြစ်သင့်တယ်။ ဘဏ်လုပ်ငန်းတွေရော၊ စားသောက်ကုန် လုပ်ငန်းတွေရော၊ စတဲ့ ပြည်တွင်းက လုပ်ကိုင်နေတဲ့ လုပ်ငန်းတွေမှာ နိုင်ငံခြားရင်းနှီးမြှုပ်နှံမှုတွေ ဝင်ရောက်လာမယ်ဆိုရင် နိုင်ငံသားပိုင် အသေးစား အလတ်စားလုပ်ငန်းတွေ ဒုက္ခရောက်သွားနိုင်တယ်” ဟု ကမ္ဘောဇဘဏ် ဒုဥက္ကဋ္ဌ ဦးသန်းလွင် က သတိပေး ပြောဆိုသွားသည်။

သက်ဆိုင်ရာ ဝန်ကြီးဌာနများသို့ နိုင်ငံခြားရင်းနှီးမြှုပ်နှံလိုသူများက လာရောက်ဆွေးနွေးမှုများ ပြုလုပ်လျက်ရှိပြီး တနှစ်တာ ကာလအတွင်းမှာပင် ပြည်ပ ကုမ္ပဏီ တထောင်ခန့် လာရောက် ဆွေးနွေးခဲ့ကြောင်းနှင့် ယင်းတို့ထဲတွင် ဂျပန်နိုင်ငံနှင့် ထိုင်းနိုင်ငံများမှ အများဆုံး ဖြစ်ကြောင်းလည်း အမျိုးသားစီမံကိန်းနှင့် စီးပွားရေး ဖွံ့ဖြိုးမှုဝန်ကြီးဌာနမှ ဒါရိုက်တာ ဦးကျော်ဇောမောင် ၏ ထုတ်ဖော်ပြောဆိုချက်အရ သိရှိရသည်။

ဂျပန်ထုတ်ကုန်ပစ္စည်းများ ပြသမည်
နေလင်းအောင် | သောကြာနေ့၊ စက်တင်ဘာလ ၁၄ ရက် ၂၀၁၂ ခုနှစ် ၁၃ နာရီ ၂၄ မိနစ်

ရန်ကုန် (မဇ္ဈိမ)။        ။ ဂျပန် ထုတ်ကုန်ပစ္စည်းပြပွဲ ၂ဝ၁၂ ကို အောက်တိုဘာလ ၅ ရက်နေ့မှ ၈ ရက်နေ့အထိ ဒဂုံမြို့နယ်ရှိ တပ်မတော်ခန်းမတွင် ကျင်းပပြုလုပ်မည်ဖြစ်ကြောင်း အဆိုပါပွဲ စီစဉ်သည့် Myanmar Professioinal Services Company Limited မှ Executive Director ဒေါက်တာ ဇာနည်မောင်မောင်က ပြောသည်။

ထိုပွဲတွင် ဂျပန်နိုင်ငံမှ Sony, Fuji Films စသည် ကုမ္ပဏီ ၄ဝ ခန့်မှ လျှပ်စစ်ပစ္စည်း၊ ကင်မရာ၊ ပရင်တာ၊ အဝတ်အထည်၊ ကားအပိုပစ္စည်း၊ အိုင်တီပစ္စည်းများ ပါဝင်ပြသ ရောင်းချမည်ဖြစ်ကြောင်းနှင့် ဂျပန်နိုင်ငံမှ ကုမ္ပဏီများနှင့် ချိတ်ဆက်လုပ်ကိုင်နေသော ပြည်တွင်းမှ ကုမ္ပဏီများလည်း ပါဝင်မည်ဖြစ်သည်။

ဂျန်ပန်နိုင်ငံ၏ မြန်မာနိုင်ငံတွင်း ဈေးကွက်ချဲ့တွင်မှု ခြေလှမ်းဖြစ်သည့် အဆိုပါ ပြပွဲသည် ၂ဝ၁၂ ခုနှစ်အတွင်း ဂျပန်ကုမ္ပဏီများ၏ ဒုတိယအကြိမ်မြောက် အရာင်းမြှင့်တင်ရေး အစီအစဉ်တစ်ခုဖြစ်သည်။

၂ဝ၁၂ ခုနှစ် ဇူလိုင်လကုန်အထိ မြန်မာနိုင်ငံသို့ ဂျပန်နိုင်ငံ၏ သွင်းကုန်တန်ဖိုးမှာ အမေရိကန် ဒေါ်လာ သန်းပေါင်း ၃၃၇.၁၉ ရှိပြီး မြန်မာနိုင်ငံ၏ ဂျပန်နိုင်ငံသို့ ပို့ကုန်တန်ဖိုးမှာ ဒေါ်လာသန်းပေါင်း ၁ဝ၆.၄၆ သန်းရှိသည်။